Pages

Monday, June 22, 2009

မလွှပွင့် သုပ်

မှတ်မှတ်ရရကျောင်းတုန်းကအဆောင်မှာအခန်းထဲကချင်းမလေးတစ်ယောက်သူ့နာမည်ကချိုမိစံ၊သူကကျောင်းလဲမှန်မှန်မတက်ဘူး ဒါအပြင်ဆိုးတာကpracticalhourတွေဆိုအလုပ်မလုပ်ချင်လို့နေမကောင်းချင်ယောင်ဆောင်နေတတ်တယ်။သူနေမကောင်းဘူး ဆိုပီးအိပ်ရာမှာလှဲနေပေမယ့်မနက်(၄)နာရီလောက်ဆိုနိုးပီးcafteriaအနောက်ကတောင်ကုန်းစောင်းမှာစီတန်းပေါက်နေတဲ့မလွှပွင့် တွေအောက်ရောက်နေပီးမလွှပွင့်တွေသွားသွားကောက်တယ်။အခြားကျောင်းသူကျောင်းသားတစ်ချို့လဲကောကကြတယ်။ ကျွန်မတို့ရန်ကုန်သူများအဖွဲ့ကတော့ယောင်လို့တောင်စောစောထဖို့စိတ်မကူးဘူး။ကောက်လို့ရတဲ့ဝါဖျော့ဖျော့အပွင့်လေးတွေကို အလယ်ကိုတစ်ဖက်ခြမ်းခွဲလိုက်ပီးအထဲက၀တ်ဆံတွေကိုထုတ်ပစ်တယ်၊ပီးရင်တော့တစ်ချို့ကိုပြုပ်ပီးငါးပိရည်၊ငါးပိချက်နဲ့တို့စားသလို၊ ပါးပါးလှီးပီးလဲသုပ်စားတတ်ကြတယ်။
မာမီကမလွှသီးကြိုက်တယ်။မလွှသီးကခပ်ရုပ်ဆိုးဆိုးရယ်၊ဒန့်သလွန်သီးလိုပိန်ရှည်ရှည်၊သူကပျော့ခွေခွေ၊အပြင်မှာတော့အစိမ်းပုပ်ရောင် နဲ့အမွှေးနုနုလေးတွေပါတယ်။အဲဒီမလွှသီးကိုပြုပ်ပီးအခွံနွှာလိုက်ရင်ပျော့ခွေခွေ၊မုန့်တီလိုဖြူဖြူလေးအထဲကအသားဖတ်လေးတွေနဲ့အစေ့ နုနုလေးတွေထွက်လာတယ်။ဒန့်သလွန်သီးအနုလေးနဲ့ခပ်ဆင်ဆင်၊ခါးတာတော့တအားဘဲ။ဒါပေမယ့်ကျွန်မလဲစားတာများတော့အကျင့် ဖြစ်လာတယ်။ သုပ်စားစား၊တို့စားစား၊ ဧရာဝတီတိုင်ဖက်သွားရင်မာမီကလူကြုံနဲ့မှာမှာစားတတ်တယ်။ ၀တ်ဆံထုတ်ထားတဲ့မလွှပွင့်တွေရဲ့ပွင့်ချပ်အနုလေးတွေကိုတော့ဆွဲခွာပစ်တယ်။အခြောက်ခံတော့မယ်ဆိုရင်ပွင့်ဖတ်အနုလေးတွေကပုပ် သွားတတ်လို့ပါ။အောက်ခံအမာအပွင့်ခံနဲ့အပွင့်အရိုးတံလေးကိုတော့အခြောက်ခံထားပီး၊ရေရှည်စားစရာအဖြစ်သိမ်းထားလို့ရတယ်။ အဲဒီအခြောက်ခံထားတဲ့မလွှပွင့်တွေကိုထပ်ပြုပ်ပီးပါးပါးလှီးသုပ်စားရင်အရမ်းကိုအရသာရှိတယ်။မလွှသီးခါးပေမယ့်မလွှပွင့်ကတော့ ခါးသက်သက်အရသာနဲနဲသမ်းတာကလွဲပီးအခြားအသီးရွက်သုပ်စားသလိုသုပ်စားလို့ကတော့ထမင်း ပွဲမှာထမင်းမိန်စေတာအမှန်ပါ။
ဒါကတော့အန်တီယူလာပေးတဲ့မလွှပွင့်အခြောက်လေးတွေကိုပြုပ်ပီးသုပ်ထားတာပါ။မလွှပွင့်ကိုအင်္ဂလိပ်လိုအခေါ်မသိလို့ပုံတင်ပေးချင် တာရှာမရဘူးဖြစ်နေတယ်။
ရှာလို့မရတာနဲ့အဖွားတို့ရွာပိုစ့်ကရေငန်းသီးပုံတွေ့လို့တင်လိုက်တယ်။ရေငန်းသီးကတော့မိုးတစ်ခါမိပီးနောက်ဆိုချိုတယ်လို့တော့ ပြောတာဘဲ။အချဉ်ကတော့အခွံနွှာအပေါ်ယံအရေခွံပါးလေးခွာပီးရင်တော့အပ်ချဉ်ကြိုးနဲ့ရစ်ပီးဆွဲထုတ်လိုက်ရင်အသားဖတ်တွေ ချည်းထွက်လာတယ်။အစေ့ဘဲကျန်ခဲ့တယ်။အဲဒီအစေ့ကလဲနုရင်ဝါးစားလို့ကောင်းတယ်၊ရင့်ရင်တော့ကွမ်းသီးဝါးရသလိုခပ်မာမ။

Sunday, June 14, 2009

နို့ခဲ ကြော် (homemade)

အားလုံးမင်္ဂလာရှိသောနံနက်ခင်းဖြစ်ပါစေ။ဒီနေ့တော့စောစောလေးနိုးနေတာနဲ့နံနက်စာစားရင်းစားနေတဲ့နွားနို့ခဲကြော် လေးကိုကြည့်ရင်းရေးအုံးမှလို့စိတ်ကူးရလို့ပါ။ဒီမှာတော့နွားနို့ခဲမရှိဘူ်း။ကိုအန်ဒီရေးထားတဲ့Fetacheesseကလဲဈေးကြီးတာ အရမ်းဘဲ၊ဒါတောင်ဗူးလေးထဲမှာအတုံးသေးသေးလေးနဲ့Oliveoilနဲ့စိမ်ထားတာ။ဆိတ်နို့ခဲဈေးကြီးတာကလဲမပြောနဲ့ဆိတ် သားတောင်မရောင်းတဲ့နိုင်ငံ..ဆိုတော့လဲဆိုးပါ့။နို့ခဲလုပ်ဖို့နွားနို့ဗူးတစ်ဗူးဝယ်လိုက်ပါတယ်။1.2$လောက်ဘဲကျတယ်။အဲ ဒီဗူးထဲကတစ်ဝက်ကိုကြိုလိုက်ပါတယ်။LemonJuiceလဲရှာမရတာနဲ့သံပုရာသီး(၂)လုံးဝယ်လာပါတယ်။အဲဒါကဆင်ဖိုးထက် ချွန်းဖိုးပိုကြီးပါတယ်။သံပုရာသီးကလဲဈေးကြီးပါ့။ကဲ၊ဒါနဲ့ဘဲသံပရာသီး(၂)လုံးညှစ်အရည်ရေးလေးစစ်ထားပြီးတော့ ပွက်ပွက်ဆူပြီးနောကမီးလျှော့လိုက်တဲ့နွားနို့အိုးထဲကိုဆားနဲနဲအချိုကြိုက်ရင်သကြားပါထည့်လို့ရမယ်)ထည့်လိုက်ပီးတော့ တစ်ဖြည်းဖြည်းချင်းမွှေရင်းနဲ့သံပရာရည်လေးတွေလောင်းထည့်လိုက်တော့သူဘာသူအဖတ်လေးတွေခွဲထွက်လာပါတယ်။ နွားနိုးစစ်စစ်သာဝယ်လို့ရရင်အရမ်းကောင်းမှာ၊လောလောဆယ်တော့ရှိတဲ့freshmilkလေးနဲ့ဘဲအဖတ်လေးတွေရလာရင် မီးပိတ်လိုက်ပီးတော့စစ်ဖို့အ၀တ်ကိုအဲဒီအချိန်မှသတိရတာနဲ့အသဲသန်လိုက်ရှာရပါတယ်။မသုံးရသေးတဲ့လက်ကိုင်ပ၀ါအပါး လေးတွေ့တွေ့တာနဲ့ရေဆွတ်ပြီးအောက်ကခွက်ခံပြီးနွားနို့ခဲဖတ်လေးတွေလောင်းချရေစစ်ထားလိုက်ပါတယ်၊ပြီးတော့လိမ် လိုက်ပီဖိပီးထပ်စစ်ပါတယ်။ပီးရင်တော့နဲနဲအအေးခံလိုက်ရင်နွားနို့ခဲလေးရပါပီ။လုပ်ရတဲ့အချိန်သိပ်မကြာပါဘူး။ရေးပြတာ နဲနဲကြာတယ်။စိမ့်စိမ့်လေးနဲ့အရမ်းစားလို့ကောင်းပါတယ်။ကိုယ်လုပ်ထားတဲ့နွားနို့ခဲလေးကိုကြည့်ပီးရန်ကုန်ရွှေဘုံသာလမ်း ထိပ်ကလမ်းဘေးမှာရောင်းတဲ့နွားနို့ခဲတွေနဲ့ခပ်ဆင်ဆင်လို့အမွန်းတင်မိသေးတယ်။ဟင်းချက်စားလဲကောင်းမှာ၊ဒီနေ့တော့ မနေနိုင်တာနဲ့ကြော်စားလိုက်ပါတယ်။ ဒီနေ့နံနံစာမှာတော့ပေါင်မုန့်တစ်လုံး၊ထောပတ်သီးတစ်လုံးနဲ့ဒီနေ့တော့နွားနို့ခဲကြော်လေးပါပါလာပါတယ်။
ဘာဘဲပြောပြောဒိန်ခဲချက်တဲ့အကြောင်းရေးထားတဲ့ကိုအန်ဒီကိုကျေးဇူးတင်မိပါရဲ့၊သူရေးထားတာဖတ်ပီးစားချင်လွန်းလို့ အတင်းကြံဖန်ရင်းနဲ့ဖြစ်သွားလို့။ :)


Friday, June 12, 2009

အဖြစ်ချင်ဆုံးဆန္ဒ (မြူးစ် Tag)

ကူးကူးသိတတ်ခါစအရွယ်..ခြံထောင့်ကတမာပင်ပေါ်တက်ပီး လှမ်းမြင်နေရတဲ့မူကြိုကျောင်းခန်းလေးကိုငေးပြီး ကိုယ်နဲ့အရွယ်တူတွေလိုအရမ်းကိုတက်ချင်ခဲ့ပါတယ်။ (မူကြိုကျောင်းတွေမှာကျောင်းမစခင်ဆိုရတဲ့ဘုရားစာနဲ့ ထိုင်ကန်တော့ရတဲ့အတွက် ခရစ်ယာန်ဖြစ်တဲ့ကျွန်မ တက်ခွင့်မရခဲ့ပါဘူး။ ဒါနဲ့မွေးစာရင်းကိုတစ်နှစ်တိုး သူငယ်တန်းကိုတန်းပို့လိုက်ပါတော့တယ်။)
၆တန်းအထိအတန်းထဲမှာအမြဲ (၁)ရအောင်ကြိုးစားခဲ့တယ်။ ဘာလို့လဲဆိုတော့ ဗိုလ်ကြီးမမ ဖြစ်ချင်ခဲ့လို့ပါ။ အဲဒီတုန်းက တီဗွီဇတ်လမ်းတွေမှာ စစ်တိုက်တဲ့စစ်သားတွေကိုဆေးကုပေးတဲ့ အဖြူရောင်ဝတ်စုံနဲ့ ဗိုလ်ကြီးမမ အရမ်းဖြစ်ချင်ခဲ့တာပါ။
ရန်ကုန်ရောက်တော့ကျောင်းပြောင်းပြီးနောက်မှာ ဗိုလ်ကြီးမမဆရာဝန်မဖြစ်နိုင်တော့ဘူးလို့ကိုယ့်ကိုယ်ကိုယ် လက်ခံလိုက်ပြီးတော့ ဖြစ်ချင်ခဲ့ပြန်တာကတော့ လေယဉ်မယ်၊ တစ်တောက်တောက်နဲ့ luggage လေးဆွဲလှလှ ပပကြွကြွလေးလမ်းလျှောက်သွားတာတွေလေဆိပ်မှာတွေ့နေရတော့လဲရူးတာမဆန်းဘူး ၊ အဲဒီဆန္ဒလေး ကတော့ပထမဆုံးလေယဉ်စစီးဖူးတဲ့အချိန်မှာ လေထဲပူပေါင်းဖောက်သလိုပျောက်သွားတော့တာဘဲ။ လေယဉ် မယ်တွေအပြင်မှာသာကြည့်ကောင်းတာ၊ လေယဉ်ပေါ်မှာသူတို့လုပ်နေရတာတွေလွယ်သလား.. ဟူးးးးးးးးးး
တက္ကသိုလ်ရောက်ပြန်တော့model အပျော်လုပ်ရင်းနဲ့ဝါသနာကစွဲကပ်လာပြန်ရော၊ ကျောင်းပီးရင်တော့ ငါ model လုပ်မယ်ပေါ့။ အဲဒီတုန်းကတော်တော်လေးလဲအဆင်ပြေနေခဲ့တာ ကျောင်းပီးခါနီးတစ်နှစ်အလို အဆိပ်ြဲပင်းတဲ့အကောင်အကိုက်မခံရခင်ထိပေါ့။ အကောင်ကိုက်ပြီးနောက်မှာ အဖြစ်ချင်ဆုံးဆန္ဒကတော့ model လုပ်ဖို့မပြောနဲ့ လမ်းကောင်းကောင်းပြန်လျှောက်နိုင်ဖို့ ဆိုတဲ့ ဆန္ဒပါ။ နောက်ပိုင်းတော့ သူများလို အကြာကြီး မလျှောက်နိုင်ပေမယ့် လမ်းတော့ပြန်လျှောက်နိုင်ခဲ့ပါတယ်။ ဆန္ဒဆိုတာအားလုံးတော့ဘယ်ပြည့်မလဲလေ။ တစ်ချို့တစ်ဝက်တော့ပေးခဲ့ရတာပေါ့ကျောင်းပြီးကာစ။ရုံးဝတ်စုံသပ်သပ်ရပ်ရပ်လေးဝတ်၊ဖိုင်တွဲလေးကိုင်၊ဘော့စ်
နောက်ကိုတစ်ကောက်ကောက်လိုက်ရတဲ့ Secretary ဖြစ်ချင်တဲ့ဆန္ဒ္ဒ။
ဒါပေမယ့်လည်း အဲဒါကအပြောလွယ်ပေမယ့်လူတစ်ကာနဲ့ဆက်ဆံရေးမှာ အင်မတန်ခေါင်းစားရပါတယ်။ ရုံးထပ် ခွဲထွက်လိုက်တော့ ကိုယ်ပီးထားတဲ့လိုင်းနဲ့က Business admin နဲ့ secreterial Science ၊ ဆိုတော့ စာရင်းပါ ထပ်လုပ်ခိုင်းပါတယ်။ အဲဒီတော့နှစ်ခုတွဲကိုင်ဗျာများခဲ့တာ နှစ်ပေါင်းမနဲဘူး။
ဒီရုံးချုပ်ကြီးကနေလှမ်းခေါ်တော့ယောင်တောင်တောင်ရောက်လာပီးတစ်နေ့တစ်နေ့ စာရင်းဇယားကြားခေါင်း ရှုပ်နေရပေမယ့်လည်း၊ နေရာတစ်ကာလှည့်လည်သွားနေရလည်း၊ ကိုယ်နဲ့ရွယ်တူအခြားမိန်းကလေးတွေလို ဟေးလားဝါးလားလျှောက်သွားပျော်ချင်မိတဲ့ဆန္ဒ ကလဲရှိနေတတ်သေးတယ်။ မတတ်သာလို့ နားတဲ့အချိန် အိပ်ရာပေါ်လှဲနေရတဲ့အချိန်လေးမှာ အခြားမိန်းကလေးတွေလို တုန်းတိုက်တိုက်၊ကျားကိုက်ကိုက် အကြမ်းခံ သွားချင်ရာသွား၊စားချင်ရာစား၊ နေပူပူမိုးရွာရွာလျှောက်သွားနေနိုင်တဲ့မိန်းကလေးမျိုးလဲဖြစ်ချင်ခဲ့ဖူးပါတယ်။
ကိုယ်အရမ်းချစ်မိခဲ့တဲ့သူတစ်ယောက်ကိုလဲ ကိုယ့်မိသားစု ကလိုလိုလားလား သဘောတူကြည်ဖြူပီး နားလည် ပေးနိုင်တဲ့ ဘ၀မျိုးဖြစ်ချင်တဲ့ဆန္ဒလဲရှိခဲ့ဖူးပါတယ်။
ဂါဝန်အဖြူလေးနဲ့ လူရှေ့ဘုရားရှေ့မှာ တင့်တင့်တယ်တယ်ကိုယ်ချစ်တဲ့သူနဲ့လပ်ထပ်ချင်တဲ့ဆန္ဒလဲရှိခဲ့ဖူးတယ်။ မိသားစုအားလုံးတစ်အိမ်ထဲမှာ အနည်းဆုံးခရစ္စမတ်ရောက်တိုင်းစုံစုံလင်လင်နဲ့ပျော်ပျော်ရွှင်ရွှင်ရှိချင်တဲ့ဆန္ဒ လဲရှိခဲ့ဖူးတယ်။ မွေးနေ့ရောက်တိုင်းကိုယ်ချစ်တဲ့သူတွေအနားမှာမိုးလင်းတာနဲ့ Happy Birthday လို့ပြောတာမျိုး ကိုလဲလိုချင်တဲ့ဆန္ဒရှိခဲ့တယ်။ Valentine Day ရောက်ရင်ချစ်သူလက်ကိုဆွဲပီး ပန်းစည်းလေးကိုင်ပီး ကဗျာဆန် ဆန်လျှောက်သွားချင်တဲ့ဆန္ဒလဲရှိခဲ့ဖူးတယ်။ လောကကြီးမှာဘယ်သူမှကိုယ့်ကိုနားမလည်ချင်နေ၊ ကိုယ့်မိသားစု နဲ့ကိုယ့်ချစ်သူနားလည်ပေးနိုင်ပါစေဆိုတဲ့ဆန္ဒလဲရှိတယ်။
နောက်ဆုံးနောက်ဆုံးမှာတော့ ဆန္ဒ ဆိုတာ reality ဖြစ်ချင်မှလဲဖြစ်နိုင်တော့မှာမို့ ဘာဆန္ဒမှမထားတော့ပါဘူး။ တစ်ရက်ပီးနောက်တစ်ရက်ကိုဘယ်လိုအသက်ဆက်ရှင်ရအုံးမလဲဆိုတာဘဲတွေးတော့တယ်.. ဒါတောင်လက်မ လျှော့သေးဘူး...အဲဒီနောက်တစ်နေ့ဆိုတာလေးကို နာကြင်မှုကင်းပီး စိတ်အေးချမ်းသာစွာတစ်လှမ်းခြင်း ဖြတ်ကျော်ချင်တဲ့ ဆန္ဒလေးကမသိမသာကိန်းအောင်နေလေပါသေးရဲ့။

Wednesday, June 10, 2009

မှိုတုမ်ယမ်း

တစ်ပတ်လုံးမိုးအသည်းအသန်ကိုရွာတယ်၊နေလဲပူတယ်၊လေလဲတိုက်တယ်၊နေပူရင်းတန်းလန်းမိုးရွာတယ်။လေတိုက်တယ်
မိုးတစ်ချက်တစ်ချက်ရပ်သွားတယ်နေကအပြင်းဆုံးအနေထားနဲ့ပူပြန်တယ်။ဒီလိုဖောက်ပြန်တဲ့ရာသီဥတုမှာနေရတာ မြို့ထဲရောက်ပြန်တော့လဲမွန်းကြပ်တဲ့လူနေမှုပုံစံတွေရယ်၊ ကားပေါ်က ဆင်းလိုက်တာနဲ့လေအဝှေ့မှာရိုက်လာတဲ့ Fastfood အနံ့တွေရယ်၊ မိန်းမကြီးငယ်ပေါင်းစုံရဲ့ ပြင်းထန်လှတဲ့ရေမွှေး နံ့တွေကလူကိုချမ်းသာမပေးပြန်ဘူး။ ကားထဲထိုင်နေရင်လဲ အီစီကလီနဲ့အသက်ရှုမ၀၊မွန်းကြပ်တဲ့ဘ၀မှာနေကျင့်မရှိ တဲ့ကျွန်မ သူများမွန်းကျပ်နေတာတွေ့ရတာတောင်အသက်ရှုမ၀ဘူး။ မထူးပါဘူး။ အိမ်ထဲမှာဘဲနေတာကောင်းတယ်။ ခြံထဲလမ်းလျှောက်၊ရုံးသွား၊အိမ်ထဲမှာနေ...ဒီနေ့တော့အိမ်မှာအလုပ်လုပ်ပေးတဲ့ကောင်မလေးပြန်ရောက်လာ
တော့တော်တော်အဆင်ပြေသွားတယ်။ ပြီးခဲ့တဲ့ အပတ် ကိုယ့်ဘာသာကိုယ်ကြမ်းတိုက်ရင်းနဲ့ အံဆွဲထောင့်နဲ့ဆောင့်မိတဲ့ခါးကခုထိနာတုန်း၊ နံရံတွေလိုက် သုတ်ရင်းနဲ့အိမ်မြောင်တွေ့လို့လိုက်ရိုက်တာခုန်ပေါ်ကချော်ကျလို့ခြေထောက်နာတာကတစ်မျိုး၊ အ၀တ်တွေ မီးပူမတိုက်ဘဲဝတ်နေတာ (၁)ပတ်ကျော်ပီ။ မိန်းကလေးမဟုတ်ဘူးလားလို့ပြောကြမယ့်သူတစ်ပုံတစ်ခေါင်းမှာ ကျွန်မချစ်သူမပါရင်ကျေနပ်ပီ။ ထားတော့၊ တစ်အိမ်လုံးမှာတစ်ယောက်တည်းနေရတာကံကောင်းတယ်မဆိုကြနဲ့၊ ရှင်းလိုက်ရတာအကုန်၊ မှန်အကုန်ပိတ်ထားတာတောင်ဖုန်ကဘယ်ဆီဘယ်ဝယ်က၀င်လာမှန်းမသိဘူး။ ထားပါလေ... ကောင်မလေးပြန်လာတော့တော်တော်အဆင်ပြေတယ်၊ မဟုတ်ရင်ဧည့်သည်လာရင်တောင်အားနာဖို့ကောင်းတယ်။ အ၀တ်တွေပုံ၊ ဟင်းချက်၊ အမြန်လုစားရုံးကိုပြေး၊ ပြန်လာရင်စိတ်ပင်ပန်းတာနဲ့ဘာမှမလုပ်ချင်တော့တာ အိပ်ရာပေါ် ကိုယ်လုံးကိုပစ်ချလိုက်တာဘဲ။ ရုံးမှာလုပ်တာဘဲ aircon အခန်းလေးမှာထိုင်ပီးလုပ်တာဘာပင်ပန်းစရာရှိလဲမမေးပါနဲ့။။ လုပ်ဖူးတဲ့သူတွေသိမှာပါ။ (တစ်ချို့များတော့တစ်ပတ်(၃)ရက်လုပ်(၄)ရက်နားပီ.ရုံးမှာလဲသွားအိပ်လို့ရသေးတယ် ဆိုဘဲ)
ကဲ..လိုရင်းမရောက်သေးဘူး။ ဒီနေ့ ဒီလိုမှိုအဖြူလေးတွေနဲ့ တုမ်ယမ်ဟင်းချိုချက်စားတယ်။ စိုက်ထားတဲ့စပါးလင် လေးကသေးသေးလေးနဲ့တစ်ခက်ချိုးထည့်လို့ရတယ်။ ငရုတ်သီး၊ ခရမ်းချဉ်သီးနဲ့၊ တုန်ယမ်အနှစ်တစ်ဇွန်း၊ ငါးငံပြာရည်နဲနဲနဲ့မှိုလေးတွေပါ...မှိုကချို၊ တုန်ယမ်ကချဉ်စပ်စပ်၊ ငရုတ်သီးကပူ..အရသာကတော့ရှယ်တစ်ကာ့ရှယ်ပါ။ ရာသီဥတုဖောက်ပြန်တဲ့အချိန်မှာ အခုလိုဟိုစပ်ဒီစပ်စားရတာလဲအရသာတစ်မျိုးဘဲ။ မှိုတုမ်ယမ်းပေါ့...

Monday, June 8, 2009

စွဲလန်းမှုနောက်ကွယ်မှပျော်ရွှင်မှု

စွဲလန်းaddictedဖြစ်တာဖြစ်တာ၊ဆင်ခြေမပေးနဲ့မပြောပါနဲ့။ဘာကြောင့်ဖြစ်ရလဲဆိုတဲ့အကြောင်းရင်းမြစ်ကလဲရှိသေးသကိုး။
အခုရက်ပိုင်းမှာခေါင်းကဒုက္ခပေးလာတာကြောင့်ဘာမှမစဉ်းစားချင်တာနဲ့အိပ်နေတာများတယ်။ငြိမ်ငြိမ်တော့အိပ်လို့ဘယ်ရ
မလဲလေ။ကွန်ပြူတာကခေါင်းအုံးဘေးမှာဆိုတော့ကိုယ့်ဘလော့ထဲကိုယ်ဝင်၊ဘလော့ထဲမှာထည့်ထားတဲ့သူများတွေရဲ့
ဘလော့အိမ်တစ်ကာလိုက်လည်။ကောမန့်တော့မရေးခဲ့နိုင်လို့မရေးဖြစ်တာများတယ်။စာဘဲလိုက်ဖတ်တာ။နဲနဲခေါင်းထောင်
လို့ရရင်Farmထဲဝင်၊အဲဒါကလဲဆိုးတယ်။ပြီးခဲ့တဲ့(၄)ရက်ကျော်လောက်ကအင်တာနက်ကော်နက်ရှင်ပျက်တာတစ်နေကုန်ဘဲ။ အဲဒီနေ့ညမှာရွှေဖရုံသီးတွေမှည့်မယ့်အချိန်နဲ့တိုက်ဆိုင်နေတော့စိတ်ပူလိုက်တာ၊တစ်ခင်းလုံးနီးပါးစိုက်ထားတဲ့အပင်တွေရက် အကြာကြီးစောင့်ပီးမှပုပ်သွားမှာလဲမလိုလား၊ညီမ၀မ်းကွဲကိုအသည်းသန်ခေါ်passwordပေးပီးအပင်ရိတ်ခိုင်းရတယ်။

အဖြစ်ကဆိုးတယ်။ဆေးစွဲတာထက်ကိုဆိုးနေတာ။အပင်လေးတွေအကွက်ချတာကအစ၊အိမ်လေးတွေဝယ်အကောင်လေး
တွေလက်ဆောင်ရ၊စိတ်ကူးထဲမှာအိမ်ဆောက်တယ်ဆိုတာအဲဒါမှအစစ်၊ပျော်ဖို့လဲကောင်းတယ်။လက်တွေ့ဘ၀မှာမရနိုင်တဲ့
အရာတစ်ချို့ဂိမ်းလေးကစိတ်ဖြေသာအောင်လုပ်ပေးနေတာ။ဒီနေ့တော့ပိုကောင်းလာပီ။ပန်းပင်ရေလောင်ဖို့addonလေးတွေ
ထပ်ထည့်ပီး၊ပန်းပင်လေးတွေပါလက်ဆောင်ပေးလို့ရအောင်အများကြီးထပ်ထည့်လာတော့ထုံးစံအတိုင်းအလုပ်ရှုပ်ကြပီပေါ့။ အရင်ကကျွန်မညီမလေးကစိတ်မ၀င်စားဘူး၊အခုတော့သူလဲစနေပီ၊စွဲနေပီဆိုပါတော့။ညီမ၀မ်းကွဲဆိုခလေးခွဲမွေးတာဆေးရုံမှာ၊ ဒီနေ့မွေးနောက်နေ့မနက်စောကြီးFarmထဲကိုရောက်နေပီ။အခုတော့သူ့ယောက်ျားပါစွဲလာပီး..နှစ်ယောက်သားညဖက်ဆို Farmထဲမှာအလုပ်လုပ်နေကြလေရဲ့။ကျွန်မအချစ်ဆုံးသူငယ်ချင်းကတော့နေ့လည်မှာသူ့Farmကိုသူလုပ်ပီး၊ညပိုင်းကျတော့ သူ့ယောက်ျားကဆက်လုပ်တယ်။ အဲတော့ Day Shift Farmer နဲ့ Night Shift Farmer ပေါ့။ ကျွန်မက DSF နဲ့ NSF လို့ခေါ်တယ်။ သူတို့ကနှစ်ယောက်ပေါင်းနေ့ညအလုပ်လုပ်ကြတော့ level တက်တာအရမ်းမြန်တယ်။ uk က ကျွန်မ prof ကတော့ လူလည်ပါ။ သူက စတာနောက်ကျပေမယ့် စပျစ်သီးတွေ ဘဲစိုက်အဲဒါတွေရိတ်၊မြေထပ်ပျိုး၊ ထပ်ဆိုက်နဲ့ဆိုတော့အခုကျွန်မနဲ့ level တူနေပီ။ လယ်ကွက်ကကြီးလာလေ အချိန်ကုန်လေပါဘဲ။ အခုဆိုတော်တော့်ကိုပျင်းနေပီ၊ ပျင်းတယ်ဆိုတာမြေပျိုးဖို့ ပျင်းတာ၊ စိုက်ဖို့၊ အပင်လေးတွေ ကြီးလာရင်ပျော်လို့အဲဒီအပျော်လေးလိုချင်လို့အပင်ပန်းခံပီးမြေပျိုးအပင်စိုက်၊ သူငယ်ချင်းတစ်ချို့ကပြောပါတယ် အရေမရအဖတ်မရတဲ့... ချစ်သူက ညနက်ထိမအိပ်သေးရင် ပုန်းနေတာသိတယ်၊ ထွက်အဲဒီ Farm က၊ ဆိုပီးအားပေးရှာပါတယ်။ အဲဒီ Farm Town လေးဆော့နေရလို့၊ အပင်လေးတွေနဲ့စိတ်ကြိုက်ကမ္ဘာလေးဖန်တီး နေရလို့ရလာတဲ့စိတ်ချမ်းသာမှု၊ ပျော်ရွှင်မှုတွေကို ငွေနဲ့လဲလို့မရဘူးဆိုတာသူတို့တစ်နေ့နားလည်လာကြမှာပါ။း) Farm Town ဆော့သူများကူးကူးလိုဘဲပျော်ရွှင်စိတ်ချမ်းမြေ့ပါစေ။

ဒါကတော့ဒီနေ့ FT Status ပါ။ အသီးတွေများကြီးမှည့်နေပါပီ။ ညီမလေးကညဖက်ရိတ်ဖို့စရန်ရိုက်ထားပါတယ်။ အာလူးကလဲ ငါ့ကိုဒီနေ့မှပေးမရိတ်ရင် နင့်ခြံကိုဘူဒိုဇာနဲ့ထိုးပစ်မယ်၊ နင့်အိမ်ငါ့ကိုလျှော့ဈေးနဲ့ရောင်း၊ နင့်ခြံငါ့ကိုပေးပြောပါတယ်။း)

Wednesday, June 3, 2009

ခူလာမူ

ကျွန်မကျောင်းပီးတာနဲ့ဦးလေးတို့မိသားစုနဲ့အကိုဝမ်းကွဲမင်္ဂလာဆောင်သွားဖို့မြစ်ကြီးနား၊၀ိုင်းမော်ဖက်ကိုလိုက်သွားခဲ့တယ်။ သွားရာလမ်းတစ်လျှေက်ပင်ပန်းခဲ့ပေမယ့်ရထားစီးရတာပျော်တဲ့ကျွန်မအတွက်တော့အားလုံးကစိတ်ဝင်စားစရာတွေချည်းပါဘဲ။ အထူးသဖြင့်ဘယ်ဘူတာမှာရပ်ရင်ဘာတွေလာရောင်းမလဲဆိုတာပေါ့။အဲဒီမှာမိုးကောင်းကဟင်းထုပ်ကိုစပြီးစားဖူးခဲ့တာ။အရမ်း
ကြိုက်တယ်။မြစ်ကြီးနားကအပြန်မှာတော့ဦးဦးရဲ့မိန်းမ(အန်တီ)ကကျောက်တိုင်၊တောင်ငူဇာတိဆိုတော့အဲဒီမှာဝင်ပြီးကျောက်
တိုင်မှာသွားလည်ခဲ့သေးတယ်။အရမ်းပျော်ဖို့ကောင်းတယ်။မှတ်မှတ်ရရခူလာမူနဲ့ခွေးအီးပုပ်သီး(နာမည်ကြားလို့လန့်မသွားနဲ့)။ ခွေးအီးပုပ်သီးကနာမည်သာဆိုးတာဒညင်းသီးနုနုလေးတွေကြိုက်တဲ့သူတွေအတွက်တော့ရွှေပါဘဲ။ချုံတွေကြားမှာနွယ်ပင်နဲ့သီး
တာ အသီးပုံကရုပ်ခပ်ဆိုးဆိုးရယ်၊ ငပိရည်နဲ့တို့စားလို့ကတော့ရှယ်ဘဲ။ စားပြီးရင်လျှာတွေမဲနေတတ်တယ်။

ဦးဝိစာရလမ်းနားမှာနေတုန်းကညနေပိုင်းဆိုလမ်းလျှောက်ရင်းလမ်းဘေးတစ်လျှောက်အပင်တန်းတွေပေါ်မှာနွယ်လေးတွေနဲ့ ခွေးအီးပုပ်ရွက်နုညွန့်လေးတွေကိုတို့စရာအဖြစ်လိုက်ခူးခဲ့တာသတိရသေးတယ်။ကျမ်းမာရေးအတွက်စားသင့်တယ်လို့တော့ကြား
ဖူးတယ်။မာမီကခူးတော့မောင်နှမသုံးယောက်လဲလိုက်ခူးကြတာပေါ့။ကျောက်တိုင်ဘက်ကချောင်းမှာလဲရေသွားကူးခဲ့သေးတယ်။

အန်တီ့ညီအမတွေကအိမ်ကြီးတွေနဲ့ခြံကြီးမှာပတ်ပတ်လည်နေကြတော့မိသားစုဆွေမျိုးတွေစုံပျော်ဖို့အရမ်းကောင်းတယ်။ရွှေရင်
အေးလဲလုပ်စားကြသေးတယ်။မုန့်ဖတ်လုပ်တာများကြည့်ရတာလွယ်လိုက်တာ။ကိုယ့်ဘာသာကိုယ်တော့လုပ်တတ်မယ်မထင်။ နောက်တစ်မျိုး၊ခူလာမူ..အဲဒါကတော့ပိန်းရွက်နဲ့လုပ်ထားတာ။ပိန်းရွက်ကိုအခြောက်လှမ်းပြီးတောထဲကသစ်ပင်တစ်မျိုးရဲ့ပြာမှုန့်နဲ့ ရောပြီးဝါးကျည်တောက်ထဲမှာသိပ်ထားရတယ်လို့ပြောပြတယ်။အဲဒီသစ်ပင်ကရှာရတာခက်တယ်အဲဒီသစ်ပင်ရဲ့ပြာနဲ့လုပ်မှခူလာမူ ကအရသာပိုရှိတယ်ဆိုဘဲ။ဘာဘဲဖြစ်ဖြစ်စားဖို့ကတော့ထိပ်ဆုံးကကျွန်မ၊ခူလာမူကပိန်းရွက်ခြောက်လို့လွယ်လွယ်ကူကူဆိုကြပါစို့။ မဲတူးတူးလေးဖြစ်နေတော့ခူလာမူ(ကုလားမ)လို့ခေါ်တယ်။ကရင်လိုပေါ့။ကျွန်မစားဖူးခဲ့တာကတော့ခူလာမူအခြောက်တွေကိုရေနဲ့
စိမ်၊နဲနဲပွလာရင်ငရုတ်သီးစိမ်းနဲ့ထောင်းစားတယ်။ဒီတစ်ခါအန်တီလာလည်တော့မှခူလာမူနဲ့တာလပေါ့ချက်ကြွေးတာ။စားလို့ကောင်း
မှကောင်း၊ထိုင်သောက်တာတစ်အိုးလုံးနီးပါကုန်ခါနီး။ကျွန်မအတွက်လဲခူလာမူတွေယူလာပေးတယ်။ရေနွေးလေးနဲ့စိမ်ပြီးငရုတ်သီးစိမ်း၊ ကြက်သွန်ဖြူနဲ့ထောင်းစားတာဘဲ။တာလပေါ့လဲချက်စားတယ်။အရသာကိုစားဖူးတဲ့သူတွေသိမှာပါနော်။ခူလာမူလုပ်နည်းကတော့
တောင်ငူကသူတွေပိုသိမှာပါ။ကူးကူးကတော့သိသလောက်၊မေးမြန်းရသလောက်လေးကိုဘဲရေးချလိုက်ပါတယ်။ ထောင်းထားတဲ့ခူလာမူနဲ့ချက်ထားတဲ့တာလပေါ့လေးကိုကြည့်သွားကြပါအုံး။

ခူလာမူထောင်း

ခူလာမူ

ခူလာမူတာလပေါ့

Tuesday, June 2, 2009

ပန်းကြွေ

အကြွေပန်းမို့
မြေလမ်းမှာခ ရတာ
မဆန်းပေမယ့်...

လေအနမ်းမှာ
ပင်မှာရမ်း ခွင့်
မသာတော့သာမို့
ဦးဆိုက်ကျခြွေ
မလန်းသာပေဘူး..

မိုးဦးသန်းတော့
စွတ်ဆိုနွမ်းရိ
အလှမန်ဝင့်ချင်လည်း
အလှမ်းမသာတော့ပြန်ပါဘူး....

 
Powered by Blogger