Pages

Tuesday, February 22, 2011

ရုံးပတေသီး တောချက်

ရုံးပတေသီးအတောင်းလိုက်ကို ဖင်ဖြတ်ခေါင်းဖြတ်၊ ရေဆေး၊ အိုးတစ်လုံးထဲမှာ စိမ်းစားငပိ၊ ကြက်သွန်ဖြူ၊ ပင်စိမ်းရွက်၊ ဆားနဲ့ ငရုတ်သီးစိမ်းတောင့်ထုထည့်ပြီး နူးအောင် တည်လိုက်ရင်ရပါပြီ။ လွယ်တယ်နော်.. ဒါပေမယ့် သူများဆီကသင်လာ တာ... စားလို့တစ်အားကောင်း...

Friday, February 18, 2011

ချစ်သူများနေ့ - ၂၀၁၁

Valentine's Day ဆိုတာ အရင်တုန်းက သိပ်မခံစားတတ်ပေမယ့် ဒီရောက်ပြီးနောက်မှာတော့ အရမ်းကို ခံစား တတ်လာသလို ပျော်တတ်လာတယ်။ ချစ်သူရှိမှရယ်မဟုတ်ဘူး...ချစ်သူခင်သူ သူငယ်ချင်းအချင်းချင်းလဲ အဲဒီ နေ့ဆို လက်ဆောင်လေးတွေပေး...ပျော်ရွှင်ကြည်နူးကြတာ... စိတ်ချမ်းမြေ့ဖို့ သိပ်ကောင်းတယ်။
ကျွန်မအခုချိန်ထိ ပန်းစည်းတွေရလဲ အရောင်ရင့်ရင့် တွေသာရနေကျမို့ ဒီနှစ် Valentine ကတော့ ထူးဆန်းနေ တယ်။  နံနက်စောစောမှာ ရုံးက အမကြီးတွေက လာဖက်ကြ နှုတ်ဆက်ကြနဲ့...... လက်ဆောင်ပိစိလေးတွေ လာပေးကြတယ်...  အဲဒီထဲမှာ အမေးခံရဆုံးက ချစ်သူ ဘာပို့လဲဆိုတာဘဲ...
ကျွန်မက ဒီနှစ် ပန်းစည်းရောက်မရောက် မသေချာတော့..မသိဘူး..အခုတောင်လက်ဆောင်လေးတွေရ နေတာ ဘဲ၊ တော်ပြီပေါ့လို့ ပြောတော့ သူတို့ကအဲလိုမဟုတ်ဘူးလေ... Valentine's Day ဆိုတော့ ချစ်သူဆီက တစ်ခုခု အထူးပေါ့...ဆိုပြီးသူတို့ပါဝိုင်းစောင့်နေကြတယ်..
နေမကောင်းလဲဖြစ်နေတာနဲ့ ခဏဘဲသွားပြီး အိမ်ပြန် လာအိပ်နေလိုက်တယ်။  နေ့လည်ရောက်တော့ ရုံးက စာတိုက်သွားတဲ့ လူကြီးက ကျွန်မကိုပန်းစည်းလာပို့ပါတယ်။  ကျွန်မထက်ပိုပီးစိတ်လှုပ်ရှားနေတဲ့ သူတွေကို ပြဖို့ ရုံးတစ်ခေါက်ထပ်သွားတယ်... သူတို့ကလဲ အသည်းသန်ကို စောင့်နေကြတယ်..
ပန်းစည်းဗူးကိုဖွင့်တော့ ပန်းတွေက ပန်းရောင်ဖြစ်နေတယ်.. သူတို့တွေကတော့ သဘောကိုကျလို့...
နောက်မှကိုယ့်ကိုယ်ကိုယ်ပြန်စဉ်းစားမိတယ်.. ကိုယ်ပျော်တာထက်သူတို့က ၀ိုင်းစပြီးပိုပျော်နေကြတယ်..
ထူးထူးဆန်းဆန်းပါ.. ပန်းဆိုရင် အရောင်ဖျော့တစ်ခါမှမရဖူးဘူး...  ပထမဆုံးအကြိမ် အပန်းရောင် နှင်းဆီ ရတာပါ။  ကျွန်မကအရောင်ရင့်တွေနှစ်သက်လေ့ရှိတယ်..  ပန်းရောင်လေးရလဲပျော်တာဘဲ..
ခဏဘဲ..ပန်းအိုးထဲလှယ်ထည့်ပြီးအိမ်ပြန်လာအိပ်တယ်...  နောက်နေ့ရုံးရောက်တော့ ပန်းလေးတွေက တစ်ချို့ ညှိုးနေပြီ။
အလုပ်လုပ်နေ၇င်း ပန်းခြောက်လေးတွေလှမ်းကြည့်ရတာလဲ စိတ်ကြည်နူးမှုတစ်မျိုးပါဘဲ။  

နောက်မှ ပန်းစိုက်တဲ့အန်တီတစ်ယောက်ပြောပြတာ အရောင်ဖျော့တဲ့ပန်းတွေက ကြာ ရှည်မခံဘူးတဲ့...  ခြောက်သွားတဲ့ပန်းခြောက်လေးတွေ အပွင့်လိုက်ခြွေပြီးပန်းအိုးရင်းမှာ ချထားလိုက်တယ်။ 
ဒါကတော့ရုံးကအမကြီးတစ်ယောက်ပေးတဲ့ကြောင်လေးရုပ်နဲ့.. ချောကလက်၊ ကိတ်မုန့်လေးပါ။ 
 ချစ်သူများနေ့အတွက် ရေခဲမုန့်သီးသန့်လိုက်ကျွေးတဲ့သူလဲရှိပါသေးတယ်။  အအေးမိဖျားနေပေမယ့် မငြင်း ရက်တာနဲ့.. avocado & pistachio nuts sugar free ice-cream ပါ..
 ပန်းဆိုတာ အမျိုးသမီးတော်တော်များများကိုစွဲဆောင်နိုင်တဲ့ ကြားခံပစ္စည်းတစ်ခုလို့သတ်မှတ်လဲရတယ်။ 
ချစ်သူများနေ့မှာ ပန်းရတဲ့သူတွေရော... လက်ဆောင်ရသူတွေရော.. မရတဲ့သူတွေရော...  အဲဒါတွေထက် အဓိကကျတဲ့ ချစ်မေတ္တာဆိုတဲ့ပန်းကလေး ကိုယ့်မိသားစု၊ သူငယ်ချင်း၊ ဆွေမျိုး ပတ်ဝန်းကျင်မှာ အမြဲ လန်းဆတ်နေဖို့ ကြိုးစားရအောင်လား....

Thursday, February 17, 2011

နွားနို့ခြောက်

နွားနို့ခြောက်ကိုစ စားခဲ့ဖူးတာ ကျွန်မသူငယ်ချင်းတစ်ယောက် ကြောင့်ပါ။ နွားနို့၊ နွားနို့ခဲ၊ ဒိန်ချဉ်၊ဒိန်ခဲ အကုန်ကြိုက်တဲ့ ကျွန်မအတွက်တော့ နွားနို့ခြောက်လဲ ကြိုက်တာပါဘဲ။

ကျွန်မသူငယ်ချင်းက india ကနေ ရန်ကုန်ကို တာဝန်နဲ့ခဏလာတဲ့အချိန် သူ့အိမ်လာလည်ဖို့ ဖိတ်တဲ့ နေ့မှာဘဲ စထိုင်တာနဲ့ နွားနို့ခြောက်ကြော်တွေသကြားဖြူးပီးလာချကျွေးလို့ ကျွန်မက ဒီအစာဘယ်ကရသလဲပေါ့...
သူက တရုတ်တန်းနားမှာဝယ်တာတဲ့... သူတို့ဆီမှာတောင် မရှိဘူးတဲ့.. သူပြန်ရင် အများကြီးဝယ်ဝယ် သွားတယ် တဲ့။ အဲဒါနဲ့ဘဲ...တစ်ညနေသူနဲ့ တရုတ်တန်းဘက်ထွက်လာပြီးအဲဒီဆိုင်တစ်ဆိုင်မှာသူဝင်ဝယ် တာတွေ့တယ်။ အဲတုန်းကတော့ဈေးကြီးတယ်လေ... အပြားလေးတစ်ပြား ၃၀၀၀ နီးပါးဆိုတော့ ကျွန်မ တစ်ပြားဘဲ ၀ယ်တယ်.. (အဲတုန်း က တက်ကစီတွေက ၅၀၀ နဲ့စီးလို့ရသေးတယ်... )
အပြားလိုက်က စာရွက်ကြီးခေါက်ထားသလိုပါဘဲ.. ကျွန်မကတော့ မီးအေးအေးလေးနဲ့ ကြော်စားပါတယ်.. စိမ့် စိမ့်လေး..နွားနို့မလိုင်အနံ့လေးရတယ်.. သကြားဖြူးစားလဲ အချိုကြိုက်ရင်ပိုကောင်း....
အခုတစ်ခေါက်ရန်ကုန်ပြန်တော့ Ruby Mart မှာ များကြီးတွေ့ခဲ့တယ်.. နေရာတော်တော်များများမှာရောင်း နေကြပီလို့ထင်ပါတယ်။
အခြားနည်းတော့မလုပ်စားတတ်သေးဘူး.. နည်းသိရင်လဲ ပြောပြခဲ့အုန်းနော်.. 

 

Wednesday, February 16, 2011

ဝဲ ရှင်းပြီး

အခုတစ်လော ခေတ်စားနေတဲ့ ၀ဲကိစ္စကနေ ပေးထားတဲ့လင့်ခ် မှာသွားစစ်လိုက်တော့...နီရဲတွေ များနေလို့ လန့်ပြီးငြိမ်နေရတယ်။  လုပ်တတ်သလောက်လုပ်တော့လဲအဆင်မပြေ..ဒါနဲ့ဒါနဲ့ ဘဲ..
ကိုလင်းထက် ဘလော့မှာအကူညီလိုသူများစာရေးပါဆိုလို့.. စာလေးတစ်စောင်မ၀ံ့မရဲ ရေးမိပါ တယ် သူက စိတ်လိုလက်ရကူညီမယ်ဆိုတာကြောင့်အားတက်ပြီး အားရပါးရ ပြင်လိုက်ပါတယ်။  လင့်ခ် တွေတော့တစ်ချို့ခဏဖြုတ်ထားပါတယ်။။ နောက်တစ်ခုဆီပြန်ထည့်ပါမယ်။
ကူးကူး ကို စိတ်ရှည်လက်ရှည်ကူညီပြီး အစဆုံးလုပ်ပေးသွားတဲ့တဲ့ ကိုလင်းထက် ကိုလဲကျေးဇူး များကြီး တင်ပါတယ်။  ကူးလဲ အခု ၀ဲ ရှင်းသွားပြီ ဖြစ်ပါကြောင်း..၀မ်းသာအားရကြော်ငြာလိုက် ပါတယ်။ 
ကဲအခုတော့များ..ဒီလိုပါ။ 
 အရင်တုန်းကပေါ့လေ...း(

Tuesday, February 15, 2011

မာမီ့ ပန်းပွင့်လေးများ

မာမီ့ပန်းလေးတွေလို့ရေးရတဲ့အကြောင်းကတော့ မာမီဘဲပန်းစိုက်တာ၊ အပင်စိုက်တာဝါသနာ ပါတယ်။ ပါးပါးကတော့ အဲဒါတွေလုပ်လေ့မရှိဘူး၊ တစ်ခါတစ်လေ မာမီခရီးသွားရင် သူ့အပင်တွေ ရောလောင်းပေးဖို့ တစ်ကူးတစ်က ဖုန်းဆက်လှမ်းမှာရတယ်။အိမ်ပြန်ရောက်ရင်လဲ သူ့အပင်တွေသွားကြည့် ခြောက်သွားလား..ဘာဖြစ်လဲ..အဲဒါသူအရင်ဆုံးလုပ်တဲ့အလုပ်။
သူ့ကိုအပင်လက်ဆောင်ပေးရင်သိပ်ကြိုက်။ တစ်ခေါက်များ ကူးကူးကို သဘောကျတဲ့ လူတစ် ယောက်က အခြားသူတွေလိုအခြားလက်ဆောင်မပေးဘဲ မာမီ့ကို တိုက်ရိုက် စက္ကူပန်း နှစ်ရောင် စပ်၊ တစ်ခြမ်းအနီ၊တစ်ခြမ်းအဖြူ လက်ဆောင်တန်းသွားပေးတော့ မာမီက သဘောတွေကျလို့။   အခုချိန်ထိ အဲဒီလူအကြောင်း မေးတုန်း၊ ပြောတုန်း၊ သူနေကောင်းသလား၊ ဘယ်ရောက်နေပြီ လဲစသည်ဖြင့်ပေါ။ သူက တော့နိုင်ငံဂျားသားဆိုတော့ သူ့နိုင်ငံသူပြန်ပီပေါ့လေ၊ ကူးနဲ့လည်း ရည်းစားမဖြစ်ခဲ့သလို နောက်ပိုင်းလဲ မိဘစီစဉ်တဲ့သူနဲ့ ယူလိုက်တာပါဘဲ။  အဲလေ..အဓိက ပြောချင်တာက မာမီပါ။ ပန်းပင်ကြိုက်တာအဲလောက်ထိဘဲ။
ဒါပေမယ့် သူသဘောမကျတဲ့ မောင်လေးနဲ့ရည်းစားလိုလို မလိုလို အမျိုးသမီး ပန်းပင်ပေးတာ ကျတော့ ပြန်ယူသွား၊ အကုန်လွှင့်ပစ်မယ်ဆိုဘဲ။ အဲဒါက တန်ဖိုးရှိတဲ့ သစ်ခွပန်းတွေနော်။  နားလည်ရခက်တယ် တစ်ခါတစ်လေ။း)) 
အိမ်ပြန်တိုင်းခြံထဲမှာပန်းပင်တွေဝေ၊ အနောက်မှာစားပင်သီးပင်တွေနဲ့၊ တစ်နေ့တစ်နေ့ နေပူထဲမှာ မြေကြီးဘဲ တူးနေလို့ ပါးပါးက တစ်ခါတစ်လေ ပြောလို့မရရင် စိတ်တိုတိုနဲ့ နင့်အမေ က တောဇာထာပါတယ်၊ အလုပ်ကြမ်းဘဲလုပ်ချင်တယ်လို့ ပြောလေ့ရှိတယ်။
မာမီကလဲ တောရွာလေးမှာမွေးတာလေ၊ ဒါပေမယ့် အပျိုရွယ်ရောက်မှ မြို့ပေါ်တက်လာတာ။
ဒါပေမယ့် ရွာမှာ ငပိနဲ့ဘဲကြီးလာတော့ အိမ်မှာ နေ့တိုင်းငပိရည်မပါရင် ထမင်းပွဲမဖြစ်ဘူး။ ကျွန်မတို့ မောင်နှမ (၃)ယောက်လဲ ငပိရည်မပါရင် မစားတတ်တော့ဘူး။
သစ်ပင်စိုက်တာ၊ တစ်ခါတစ်လေကွမ်းသီးဝါးနေတာ သူ့အကျင့်လိုဖြစ်နေတာ။
ကျွန်မကတော့ ဖျက်ဆီးရေးသမား..ပန်းပွင့်တွေလစ်ရင်လစ်သလို လိုက်ခြွေတယ်၊ ဘာကြောင့် မှန်းမသိ.လိုက်ဆိတ်ချင်တာ.. ငယ်ငယ်တုန်းက အဆူခံရတယ်.. ကြီးတော့ မဆူတော့ဘူး..ပြော မရလို့ လွှတ်ပေးထားတယ်ထင်ပါတယ်။
အိမ်က ခွေးလေး (၆) ကောင်က အစ မာမီ့ပန်းပင်တွေနားမကပ်ရဲဘူး၊ သူတို့လဲကြောက်တယ်။  ပန်းပင်တွေကြားတိုးလို့ ပန်းပွင့်တွေကြွေရင် မာမီဆူရင်သူတို့လဲမျက်နှာငယ်တွေနဲ့လေ။
ဒါကတော့ ၂၀၁၀ ဒီဇင်ဘာ အိမ်ပြန်တုန်းကရိုက်ထားတာပါ။ မာမီ့ပန်းပွင့်လေးတွေပေါ့။ 

















 
Powered by Blogger