တန်ဒိုရီ ကြက်ကင်

ဒီတစ်ပတ်ရုံးပိတ်ရက်မှာ
ကျွန်မနေထိုင်တဲ့မြို့မှာရှိတဲ့မြန်မာမိသားစုလေးတွေစုစည်းပီးကလေးတွေအချင်းချင်း ရင်းနှီးအောင်၊ မြန်မာမိသားစုအဖွဲ့ဝင်တွေအချင်းချင်းပိုမိုသိရှိလာအောင်စုပီးပစ်ကနစ် ထွက်ဖို့ပြင်ဆင်ကြပါတယ်။ အစားသောက်တွေအတွက် ဘာဘီက ျူးအဓိကလုပ်မယ်လို့ တိုင်ပင်ထားတဲ့အတွက်သောကြာနေ့ညနေ ချစ်သူမောင် အလုပ်ပီးတော့ ကြက်သားတွေဝယ်လာပီး ကြက်ကင် လုပ်ဖို့ကြိုတင်နယ်နှပ်ထားပါတယ်။

တန်ဒိုရီကြက်ကင်

အစားသောက်ချစ်သူတွေအတွက်  တန်ဒိုရီကြက်ကင်လုပ်နည်းကိုပြန်ပီးဝေမှ ျှပါ့မယ်။  အင်ဒီးယန်းလိုတော့ အမွှေ့နံ့သာတွေမစုံဘူး၊  အနံ့ပေါင်းစုံသွားရင် စားလို့သိပ်မကောင်းဘူး။ မြန်မာ ကြက်ကင်အရသာလေးကို တန်ဒိုရီ စပိုက်စ် လေးနဲနဲသုံးထားတဲ့သဘောပါဘဲ။
ကြက်ပေါင် ၅ ချောင်း - ကင်ပီး ၁ ချောင်းကို (၃)ပိုင်းပိုင်းရင်အပိုင်း ၃၀ ရပါတယ်။
ကြက်ပေါင်ကို အရေခွံဆုတ်၊ အဆီတွေဖယ်ထုတ်ပီးသားကို
ခွက်တစ်ခွက်ထဲမှာ...
ဒိန်ချဉ်
ဆား
ဆီ (၂)ဇွန်း
တန်ဒိုရီမဆလာမှုန့်
နံနံစေ့
အရောင်တင်ငရုတ်မှုန့် (ငရုတ်သီးအစိမ်းကိုထောင်းထည့်ပါတယ်) စပ်တယ်
ငရုတ်ကောင်း
ကြက်သွန်ဖြူ နဲ့ ဂျင်းထောင်း
အားလုံးရောမွှေပီး ကြက်သားနဲ့နှပ်ထားပါတယ်။  ရေခဲသေတ္တာထဲမှာ ငွေရောင်စက္ကူဖုန်းပီး ညသိပ်ထားလိုက်တာပါ။ ကင်ခါနီးဆိုရင် ထုတ်ပီး အပေါ်ယံမှာ ငရုတ်မှုန့်နဲ့ဆီနဲ့ရောမွှေထားတာကိုထပ်သုတ်ပီးကင်လိုက်ရုံပါဘဲ။   oven ထဲထည့်ကင်မယ်ဆိုရင်တော့ ကင်မယ့် ကြက်သားကအရေထွက်လာရင်ကျအောက်ကအပေါက်လေးဖောက်ပီး ဗန်းခံထားပေးပါ။  ဘာဘီကျုးစတိုင် open flame ဆိုရင်တော့ ကင်မယ့်စင်ပေါ်တန်းတင်လိုက်ရုံ ပါဘဲ။

အပြင်ဆင်တွက်ကတော့ လတ်ဆတ်နဲ့ ဂေါ်ဖီရယ်၊ ကြက်သွန်နီဥကြီး (အဖြူမျိုး) ရယ် နံနံပင်လေးရယ်အုပ်လိုက်ရင် မွှေးကြိုင်ပီး စားလို့အရမ်းကောင်းတဲ တန်ဒိုရီ ကြက်ကင်လေးရပါပီ။