ပုဇွန်ချဉ် (Pickled Shrimps)

ကျွန်မအန်တီလေးတစ်ယောက်ကမြောင်းမြတစ်ဖက်ကမ်း ကွယ်လွမ် မှာနေပါတယ်။နွေကျောင်းပိတ်ရက်တွေ မှာရန်ကုန်ပုသိမ်သင်္ဘောကြီးစီးပီးမြောင်းမြကိုသွားလည်တိုင်းသင်္ဘောဆိုက်ဆိမ်းကမ်းနားရောက်တစ်ဖက် ကမ်းလှမ်းကြည့်လိုက်ရင်အန်တီ့အိမ်ကိုတန်းမြင်ရပါတယ်။ဖုန်းဆက်အကြောင်းကြားထားတော့သူတို့ကလဲ လက်လှမ်းပီး လက်ပြ၊ ကျွန်မတို့မောင်နှမတွေကလဲသင်္ဘောပေါ်ကနေခုန်ဆွခုန်ဆွလက်ပြပီးအရမ်းကို ပျော်ခဲ့ ရပါတယ်။ အထုပ်ပိုးတွေသယ်ပီး ကွယ်လယ်ဘက်ကို ကူးမယ့် ကူးတို့ပေါ် တက်၊ ဗေဒါအဆုပ်လိုက် ကျုပင် မြစ်ပြုတ်ပီး ပေါလောပေါ်နေတာတွေကြားထဲက ကူးတို့လက်တံနှစ်ချောင်း လက်နဲ့လှည့်လှော်ရတဲ့ လှေလေးပေါ်ကနေ တစ်ဖက်ကမ်းကိုကူးကြ ပါတယ်။
အန်တီ့အိမ်ရောက်တာနဲ့ ပူနွေးနွေး ပေါ်ဆန်းမွှေးရယ် ပုဇွန်ချဉ်သုတ်လေးရယ် စားရတဲ့အရသာ ကိုတော့တစ်သက်မမေ့နိုင်ပါဘူး။
ကျွန်မပြောခဲ့ဖူးသလိုနှစ်သက်လှတဲ့အစားသောက်တိုင်းဟာအမှတ်ရစရာအဖြစ်ပျက်တွေကနေအခြေခံလာပါတယ်။ နှစ်ပေါင်းများစွာ ပုဇွန်ချဉ် စားတိုင်း အန်တီလေးကို မြင်ယောင်မိသလို သတိရလွမ်းဆွတ်မိတယ်။
တစ်ဆက်တည်းမှာဘဲ အန်တီလေးလို အဖြစ်မျိုး ဘယ်အိမ်ထောင်သည်အမျိုးသမီးမဆို မကြုံရပါစေ နဲ့လို့လည်းဆိုတောင်းမိပါတယ်။
ကျွန်မကနေဒါရောက်ပီးနောက်ပိုင်းမှာ ပုဇွန်ချဉ်ကို အရမ်းစားချင်လို့ အမျိုး မျိုး စမ်းသပ်ခဲ့ပါတယ်။ ပုဇွန်က အရမ်းကိုဈေးကြီးပါတယ်။ စမ်းကြည့်လိုက် မအောင်မြင်လိုက်နဲ့ နောက်ဆုံးတစ်ခါတော့ အောင်မြင်သွားတဲ့အတွက် ပုဇွန်ချဉ် လုပ်နည်းလေး ကို အေးတဲ့ဒေသမှာနေတဲ့ ကျွန်မတို့လိုအချဉ်သုပ်ကြိုက်သူတွေအတွက် ဝေမျှလိုက်ပါတယ်။
ပုဇွန်ချဉ် လုပ်ဖို့အတွက်
အချဉ်တည်ထားထဲ့အရည်
ဆား
ထမင်းမာမာ
ဌက်ပျောရွက်သို့ ပြောင်းဖူးအခွံ  ပြောင်းဖူးအခွံသုံးဖို့ကညီမလေးတစ်ယောက် ဖေ့ဘွတ်ကရှယ်ထား
တာတွေ့လို့ အရမ်းအဆင်ပြေသွာတယ်၊ ဒီမှာက ဌက်ပြောရွက် ကို ဖိလိပိုင်ကသွင်းတဲ့ ခဲထားတဲ့အထုပ်ကိုဘဲဝယ်သုံးရလို့ပါ။)
ပုဇွန်ခေါင်းဖြတ်သန့်စင်ပီး သားအထုပ်ကို အရေဖျော်ပီး တစ်နာရီလောက် အချဉ်တည်ထားတဲ့အရည်ထဲမှာ စိမ်ထားလိုက်ပါတယ်။
ပြီးရင်တော့ ရေစစ်လိုက်ပီး (ရေပြန်မဆေးပါဘူး) ထမင်းမာမာ ဆားနဲ့ရောနယ်ပီး ပြောင်းဖူးရွက်ထဲထည့်ထုပ်၊ အထပ်ထပ်ထုပ်ပီး သရေကွင်းနဲ့က ျစ်က ျစ်စီးထားလိုက်ပါတယ်။
အပေါ်ကနေ ငရုတ်ဆုံလိုလေးတဲ့အရာနဲ့ဖိတင်ထားပီး ၂ ရင်ဆို စားလို့ရပါပီ။ သုပ်စားစား ကြော်စားစား အရမ်းကို ထမင်းမြိန်စေမယ့်အချဉ်သုတ်လေးပါ။
ကျွန်မအတွက် ဆန်အမာကတော့ ဘာစမာတီ (ဒန်ပေါက်) ထမင်းကြမ်းနဲ့လုပ်တဲ့အတွက် ထမင်းစေ့လေးတွေ အကုန်တွေ့နေရပေမယ့် ဆီထည့်ပီးသုပ်လိုက်တာနဲ့ အနှစ်လေးတွေဖြစ်သွားပါတယ်။ 

အချဉ်တည်ထားတဲ့အရည် - ဒါကတော့ မုန်ညှင်း သို့မဟုတ် တစ်ခုခုကို အချဉ်တည်ထားပီး အရည်ပြန်စစ်ယူထားတဲ့အရည်ပါ။  ဒီမှာရာသီဥတုကအေးတော့ ပုဇွန်ကို မူရင်းအချဉ် တည်နည်းအတိုင်းဆိုရင် အူ သွားတတ်လို့ ပါ။

ကောက်ညှင်းမှုန့်ကို ပျစ်ပျစ်ကြိုပီးတော့ ဆားအသင့်တင့်ထည့်ပီး မုန်လာရိုး (သို့) ပန်းဂေါ်ဖီအရိုးတန်ထည့်စိမ်ထားတာပါ.  ၂ ရက်လောက်နေရင် အရည်က ကျဲလာပီးချဉ်သွားတဲ့အခါ စိမ်ထည့်ထားတဲ့အရွက် အရိုးတွေပြန်ထုတ်ပီးအချဉ်ရည်ကို ရေစစ်ယူထားတာပါ။ အချဉ်တည်ထားတဲ့အရည်ကိုတော့ အလွယ်ကူပြန် သုံးလို့ရအောင် ဖန်ပုလင်း (သို့) ဝိုင်ပုလင်းထဲမှာ ထည့်ပီး ရေခဲသေတ္တာထဲသိမ်းထား လိုတဲ့အခါ ထုတ်သုံးရုံပါဘဲ။