တောင်ပေါ်ချင်းပြောင်းဖူးပြုပ်

ကျွန်မအဖေဘက်က အဖိုးက အိန္ဒိယဘက်ကနေ မြန်မာပြည်ဆင်းလာပြီး စစ်လာကူတိုက်တဲ့အထဲမှာ ပါလာပီး အဖွားနဲ့အိမ်ထောင်ကျပါတယ်။ နှစ်ယောက်စလုံး မြန်မာပြည်ထဲဝင်လာတော့ အဖွားအမျိုးတစ်ချို့ နဲ့ မြန်မာပြည်နိုင်ငံသားခံယူလိုက်တယ်။  ချင်းတောင်/ဟားခါးမှာ အခြေကျနေထိုင်ပီးနောက် မအူပင် ပြီးတော့ ပြင်ဦးလွင်မှာ နှစ်ယောက်လုံးရှေ့ဆင့်နောက်ဆင့်ဆုံးသွားကြတယ်။ 

အဲဒီတော့ ကျွန်မအမေဘက်က အဖိုးဖွားဆွေမျိုးတွေက အောက်ပြည်အောက်ရွာသားတွေမို့  အစားစုံစားခဲ့ ဖူး သလို အဖေဘက်က အမျိုးတွေဆီသွားလည်ရင် တောင်ပေါ်တက်ရပြန်တာမို့ သူတို့စားလေ့ရှိတဲ့အစာ တွေလဲ ကျွန်မခုံမင်နေတတ်ပြန်တယ်။ 

မှတ်မှတ်ရရ ၁၉၈၈ အရေးခင်းကြောင့်ကျောင်းပိတ်ထားတဲ့အချိန် အဖေက အမျိုးတွေဆီသွားလည်ကြမယ် ဆိုပြီး ချင်းတောင်ကိုခေါ်သွားပါတယ်။

မန္တလေးကနေမုံရွာ.. မုံရွာ - ကလေး.. ကလေး - စီးရင်း   စီးရင်းက နေတီးတိန်.. ဖလန်း  ဟားခါးထိ သွား လည်ကြတယ်။ ကျွန်မအရမ်းငယ်သေးတယ်.. ညီမလေးက လမ်းလျှောက်တတ်ခါစလေး..၊ ကျွန်မက အဖေနဲ့ တောင်တက်တဲ့ကားအမိုးပေါ်မှာ ထိုင်တယ်။  

ငယ်ငယ်ကတည်းက အဖေက ဘယ်သွားသွားခေါ်သွားလို့ ကျွန်မကို ယောကျာ်းလေးလိုဝတ်ပေးလေ့ရှိ တယ်။ အဲဒီတုန်းက မဲဇာလမ်းလား..ဘာလား မေ့သွားပြီ.. ဒမြတွေအရမ်းသောင်းကျန်းတဲ့နေရာပေ့ါ။

ကားသွားရင် နှစ်စီး ဆီတန်းသွားရတယ်.. အဲဒီတောကြီးကိုဖြတ်ပီး ဖလန်းကို တက်တဲ့အခါပေါ့။

ပထမကား၊ ဒုတိယကား ကကျွန်မတို့မိသားစုပါတယ်၊ လမ်းမှာ အရှေ့က ကားက စက်ဘာဖြစ်လဲမသိ အဲဒါနဲ့ သူတို့က အရှေ့က သွားခိုင်းတယ်၊ အဲဒါနဲ့ဘဲ ကျွန်မတို့စီးတဲ့ကား အရှေ့အစီးဖြစ်သွားတယ်။

ညဘက်က ကားမီးအောက်မှာ ကျွန်မမှတ်မိသလောက်မြင်ကွင်းကတော့ တံတားတစ်ခု ပေါ်မှာ သစ်ကိုင်းတွေ သစ်ခက်တွေနဲ့ ကာတားတယ်။ ဒမြတွေက ကျွန်မတို့ကားကို တားတယ်၊ ဒါပေမယ့် ကားဆရာ က ကားမှာပါလာတဲ့သူတွေကို မြဲမြဲကိုင်ထားဖို့ အော်ပီး အရမ်းကိုမောင်းတာ...  သူတို့တွေ နောက်က ပြေး လိုက်လာသေးတယ်။ ဒါပေမယ့် ဒုတိယအစီးကျန်သေးတယ်ဆိုပီး အလွတ်ပေးလိုက်တယ်။

ဖလန်းရောက်တော့ ဒုတိယအစီးမှာ သွေးအလိမ်းလိမ်းနဲ့ ကျောင်းသားလူငယ်လေးတစ်ယောက် ခေါင်းကို အခုတ်ခံလိုက်ရတယ်..  ပစ္စည်းတွေလဲ ယူသွားတယ်၊ ဆေးရုံသယ်သွားကြတယ်၊ နောက်ဘာဖြစ်လဲ ကျွန်မလဲ မသိတော့ဘူး။  

သွားတဲ့တစ်လမ်းလုံးမှာ ကျွန်မတို့ ၃ ယောက်လုံး နာမကျန်းဖြစ်တာတို့ အနာတရဖြစ်တာတို့မရှိလို့ အဖေ အမေက အဲဒီအကြောင်းအခုထိ သတိရတိုင်း တစ်ဖွဖွပြောနေတုန်းဘဲ။

ဟားခါးရောက်တော့ ကားရပ်တာနဲ့ ထမင်းဆိုင်ထဲက လူတွေပြေးထွက်လာပြီး အိတ်တွေလာသယ်၊ ထမင်း တွေကျွေးတာ... တယ်သဘောကောင်းပါလားမှတ်တယ်၊ နောက်ဆုံးတော့ အမျိုးတွေကိုး..

အားလုံးပျော်ကြတယ်၊ တွေ့ဆုံစကားပြော.. တစ်မြို့လုံးနီးပါးစပ်လိုက် အမျိုးတွေချည်း။

အဲဒီမှာ မာလာဖူး ဆိုတာ စစားဖူးတာ။  တောင်စောင်းတွေမှာ ပွင့်နေတာလေးတွေလိုက်ခူးပီး ကြော်စားတာ ကောင်းမှကောင်း။ တောင်တက်တဲ့တစ်လမ်းလုံး ဆိုင်တွေမှာ ပြောင်းဖူးပြုတ်နဲ့..

ပြောင်းဖူးကို အစေ့ခြွေ အပေါ်က မာတင်းနေတဲ့ အခွံကြည်ကို ခွာထွက်အောင် လက်နဲ့ဆုံကြီးနဲ့ ထောင်းကြ တာ။  အချို့တွေကတော့ အောင်လောက် ဆိုတဲ့ ပဲစေ့တစ်မျိုးကို အပုပ်ခံထားတာနဲ့ ရောပြုပ်တယ်။ အဲဒီအနံ့တော့ ကျွန်မလုံးဝမခံနိုင်ဘူး။ ဒါကြောင့်တစ်ခါတစ်လေ ချင်း နဲ့ ကရင် သူငယ်ချင်းတွေ ရန်ဖြစ်ရင် နင်တို့ အောင်လောက် က...%^&&**^&&  နင်တို့ ငပိကရော..ဘာညာ 0)(&&&^%%&&$  ဆိုပီး ပြောကြ တယ်။  

ပြန်တွေးကြည့်ရင် ပြုံးချင်ချင်ရယ်။  အိမ်မှာလဲ တောင်ပေါ်က လူကြုံရှိတိုင်း မာမီ့ကို ပြောင်းဖူးတွေ ယူလာလာ ပေးတယ်။ ရုံးပိတ်ရက်တွေ မိသားစုဆုံရင် အိမ်မှာအမြဲပြုပ်စားတယ်။ 

တစ်အိမ်လုံးအရမ်းကြိုက်ကြတယ်။ အိမ်မှာတော့ ဗူးညွန့် ပဲနီတောင့်ရှည်တွေနဲ့ ရောပြုပ်တယ်။

ပြီးရင် ဂျင်း၊ ငရုတ်သီးစိမ်း၊ ဆား ရောထောင်းပီး  စားကြတာဘဲ။ 

အချို့ကတော့ အမဲသားနဲ့ပြုပ်စားတယ်။ ကျွန်မသူငယ်ချင်းတစ်ယောက်က ပြောင်းဖူးပြုပ်စားရင် ဂျင်းပြားပြား လှီးပြီး ကိုက်စားတယ်။ 

ကြာခဲ့ပါပြီ၊  ဒီအပတ်ဘုရားကျောင်းသွားတော့ ဒီမှာ ကျောင်းလာတတ်နေတဲ့ ဆရာတစ်ယောက် ချင်းတောင် ပြန်တော့ မမေ့မလျော့ ယူလာပေးတဲ့ ပြောင်းဖူးတစ်ယောက်တည်းပြုပ်စားလိုက်တယ်။

အ၀ထိုင်စားတယ်၊ ဒါကတော့ ကျွန်မ စိတ်ကြိုက်၊ ဂျင်းသတ်သတ်၊ ငရုတ်သီးနဲ့ဆား သတ်သတ် ခွဲထောင်း ထားတာပါ။ အချဉ်လေးပါထည့်လိုက်သေးတယ်။  

ဗူးညွန့် မရှိလို့ ဟင်းနုနွယ်ရွက် နဲ့စားလိုက်တယ်။ အဲဒါလဲကောင်းတာဘဲ။  စိတ်ဝင်စားရင် တောင်ပေါ်သား/သူ လေးတစ်ယောက် ကိုမေးမြန်းပီး  ပြုပ်စားပေတော့ရယ်။  

ရန်ကုန်မှာ ဆိုင်တစ်ဆိုင်ရှိတယ်ပြောတယ်၊ တစ်ခါမှတော့မသွားခဲ့ဖူးဘူး။