ကြက်ကောင်လုံးကင်

ကြက်သား native ကြက်ဆိုပဲ supermarket မှာတွေ့လို့ဝယ်လာပါတယ်။ များသောအားဖြင့်အသားချက်စားလေ့ မရှိပေမယ့်ဒီလိုကြက်မျိုးကရခဲတယ်။အပြန်လမ်းတစ်လျှောက်မှာကြက်ကာလသဟင်းချက်စားရင်ကောင်းမလား။ ကြာဇံချက်ဘဲလုပ်ရင်ကောင်းမလား၊ ကြက်ကြော်...ကြက်တစ်ကောင်နဲ့စိတ်ကူးတွေကအများကြီး.. မြူးစ်လိုကြက်ကချင်ချက် လေးရောကောင်း မလား...နဲ့အတွေးပေါင်းများစွာ.. ကားအကွေ့ ကြက်ကင်တွေရောင်းတဲ့ဆိုင် ကိုမျက်စိရောက်သွားတော့ ကြက်ကင်စားမယ်ဆိုပီးဆုံးဖြတ်လိုက်ပါတယ်။ ကြက်ကင်ဆိုင်ဒီကတော်တော်များများ က၀က်သားနဲ့တွဲကင်လို့တစ်ခါမှမ၀ယ်စားဖြစ်ဘူး။ စားချင်တာတော့ကြာပါပီ။ တစ်ခါမှလဲမကင်ဖူးပါဘူး။ ပထမဆုံး အကြိမ်စမ်းသပ်တဲ့သဘောပါ။ ကြက်ကင်အတွက် အဓိကကျတဲ့ အနှစ်ကိုတော့ ကိုယ့်စိတ်တိုင်းကျအရသာတိုင်း ရအောင်စပ်ပါတယ်။
အနှစ်အတွက်တော့.. ကြက်သွန်ဖြူ၊ ကြက်သွန်နီ၊ ဂျင်းနဲ့ ငရုတ်သီး အနီတောင့် (အစေ့မပါ)ကို ညက်နေအောင်ကြိတ်ထားပါတယ်။ဲပြီးရင်တော့...ခွက်လေးထဲထည့်ပီး၊ မဆလာ၊ ငရုတ်ကောင်း ပါထည့်ပြီး ရှလကာရည်နဲနဲထည့်မွှေပါတယ်။ ဆားနဲနဲနဲ့ ငါးငံပြာရည်ကိုထပ်ထည့်ပြီး သမနေအောင်မွှေ၊ ဆီလဲနဲနဲထည့်ပါတယ်။ အနှစ်အဆင်သင့်ဖြစ်ပီဆိုရင်တော့ ရေစင်အောင်ဆေးထားတဲ့ကြက်ကောင်လုံးကိုအနှစ်ရည်တွေသုတ်လိမ်း ပြီး၊ ဗိုက်ထဲမှာလဲအနှစ်တွေကိုထည့်လိုက်ပီးရင်တော့၊ ဖုတ်မယ့်ခွက်ထဲကို ငွေရောင်စက္ကူခံပြီး ကြက်ကောင်လုံး ကိုထည့်၊ အပေါ်ကနေ သံလွင်ဆီလေးကိုလိုက်သုတ်၊ ငရုတ်ကောင်းလေးဖြူးပေးပီးရင်တော့ ၁၈၀ ဒီဂရီနဲ့ ၁နာရီ လောက်ကြာအောင် ဖုတ်ရပါတယ်။ နဲနဲကျွတ်ကျွတ်လေးကြိုက်တော့ ၁နာရီ ၁၅မိနစ်လောက်ထားလိုက်ပါတယ်။
မွှေးကြိုင်နေတဲ့ကြက်ကင်အနံ့ကတစ်အိမ်လုံးကိုပျံ့နေပါတော့တယ်။ အရသာကိုအရမ်းမြည်းချင်လို့ ပူနေတာ ကို မစောင့်ဘဲ ဖဲ့စားကြည့်ပါတယ်။ ကြက်အရေခွံကကြွပ်ရွနေပီးအရသာကလဲ စိမ့်နေအောင်ကိုကောင်းလှပါတယ်။ အသားကိုစားကြည့်တော့ ပါးစပ်ထဲမှာ အရေပျော်သွားသလိုဘဲဆိုသလို.. အရမ်းကိုစားကောင်းတယ်။ ငတ်နေတာ ကြာလို့လားတော့မသိပါ။ စိတ်ဝင်စားရင်ကူးကူးနည်းအတိုင်းစမ်းကြည့်လို့ရပါတယ်။း)

ဖုတ်/ကင်ရန်အဆင်သင့်အနှစ်ရည်