ကောက်စိုက်ခဲ့ဖူးပါသည်

တစ်ရက်....ကျွန်မတို့အဖွဲ့ လယ်ကွင်းထဲဆင်းကောက်စိုက်ရမယ့်ရက်၊ လယ်သူမတွေသနပ်ခါးကို မျက်နှာတစ်ပြင်လုံးဖွေးအောင်လိမ်း၊ခမောက်အကြီးကြီးကိုဆောင်း။အထဲမှာဘောင်းဘီဒူးနားအ
ထိကျပ်ကျပ်ကိုဝတ်၊အပြင်ကတော့ထမိန်၊မျှော့တို့ကျွတ်တို့ကိုလဲကြောက်ရသေးတယ်လေ။လယ် ကွင်းရေထဲဆင်းဖို့ဆိုအရမ်းကိုကြောက်တဲ့ကျွန်မတို့ရန်ကုန်သူများအဖွဲ့ကိုတော့ဆရာတော်တော်
စိတ်လေပါတယ်။ထီးတစ်ချောင်းစီကိုင်ပြီးကောက်စိုက်ဖို့ကွင်းထဲဆင်းတယ်။လက်တစ်ဖက်ကထီး၊ တစ်ဖက်ကပျိုးပင်၊ရေကကွင်းထဲမှာဒူးနားအထိနစ်တယ်။အဲဒါပျိုးပင်ကိုကိုင်အမြစ်ကိုလက်နဲ့စုပြီး
တော့ခါးကိုကိုင်း၊ရေထဲကိုပျိုးပင်ကိုင်ထားတဲ့လက်ကိုနှစ်၊ အောက်ခြေနွံနဲ့မြေကြီးထိအောင်သွားပြီး
အမြစ်ကိုမြေထဲကိုထိုးထည့်၊အလိုလို..တွေးရင်းနဲ့တောင်ကြက်သီးထတယ်။သိတဲ့အတိုင်းအဲဒီမြေကြီး
ထဲကိုလက်ထိုးထည့်ရင်းနဲ့အကောင်တွေဘာတွေထိမိရင်ဘယ်လိုလုပ်မလဲ။ပြီးရင်ရေဘယ်လောက်
ပြန်ဆေးဆေးလက်သည်းခွံတွေက၀ါပြီးကျန်ခဲ့တာ။ဘယ်ရမလဲပျိုးပင်လေးငါးပင်ကိုလက်နဲ့ဆုပ်လိုက်
တယ်။ပြီးတော့ဒူးသာသာရှိတဲ့ရေပေါ်ကိုချလိုက်တယ်၊မြုပ်မသွားဘူးလေ။ချပြီးတာနဲ့ခြေတစ်ချောင်း
ကိုမ၊ခြေချောင်းလေးတွေနဲ့အမြစ်ကိုဖမ်းပြီးဟိုးရေအောက်ကမြေကြီးထိအောင်တက်နင်းလိုက်တော့၊
စိုက်ပြီးသားဖြစ်သွားရော။ဆရာလဲပြောလို့မနိုင်တော့လို့လွှတ်ထားပေးလိုက်တယ်။စပါးစိုက်တာနည်း
နည်း၊ရေပေါ်မှာကင်းခြေများသေးသေးလေးတွေ လမ်းမှားပြီးပြေးနေတာတွေ့လို့ကတော့ တစ်ဖွဲ့လုံး
ကန်ဘောင်ပေါ်ပြေးတက်ကြတာ၊ မြွေတွေ့တဲ့အတိုင်းဘဲ။ ဆရာက၀ီစီမှုတ်တယ်။ ပြန်ဆင်း၊ကွင်းထဲ
ကို..ဒါနဲ့အားလုံး မျက်နှာကငိုမဲ့မဲ့ မဆင်းရင်လဲဒီဘာသာကကျအုံးမယ်၊အဲဒီနှစ်ကစပါးတော်တော်ရှုံး
တယ်လို့သိရပါတယ်။ရှုံးမှာပေါ့၊မစိုက်တတ်တဲ့သူတွေကိုခိုင်းတာကိုး။ကျောင်းရောက်စစခြင်းမှာအဲဒီ
ဘာသာမယူမဖြစ်၊ဘာလုပ်ရလဲသိလား၊ပျိုးတွေကြဲရတယ်။ပျိုးပင်တွေနှုတ်ပြီးစိုက်မယ့်ကွင်းကိုသယ်
ရတယ်။ပြီးတော့ပျိုးပင်တွေကိုညီညီညာညာလေးစိုက်ရတယ်။ကျောင်းတစ်နှစ်ပီးခါနီးကျတော့တစ်မျိုး၊ စပါးဆင်းရိတ်ရတယ်။ စပါးရိတ်တာကြည့်တာတော့လွယ်တယ်။ ကိုယ်တိုင်တံစဉ်ကိုကိုင်ပြီး စမ်းကြည့်
မှ..ရင်တမမနဲ့၊ လက်ထိခါနီး ထိခါနီး (ရိတ်ဖူးတဲ့သူများသိမှာပါ)သယ်ရတယ်၊ ခြွေရတယ်။
အဲဒီတုန်းကဆရာတော်တော် ရက်စက်တယ်လို့အားလုံးကအတည်ပြုကြတယ်။ ဒါနဲ့ဘဲဆရာငါတို့ကိုဘယ်လိုခိုင်းတဲ့အကြောင်း၊လယ်ကွင်းထဲအန္တရာယ်အကေ့ာင်ပလောင်တွေကြား
မှာကောက်စိုက်ခိုင်းတဲ့အကြောင်း၊ ဓားအတုံးတွေပေးပြီး အနောက်ကလယ်စပ်မှာပိန်းပင်တွေသွား
ခုတ်ခိုင်းလို့ ညဘက်ပြန်လာရင်လက်တွေယားနေရတဲ့အကြောင်းကိုစိတ်နာနာနဲ့ဆရာ့ အကြောင်း ကဗျာတစ်ပုဒ်စပ်မိပါတယ် အဲဒီကဗျာကို ချွန်တွန်းမတစ်ယောက်ကဆရာ့လက်ထဲကိုသွားပေး
တော့ အားလုံးပေါ်ကုန်ရော။ ဒါပေမယ့်ဘာကြောင့်လဲတော့မသိဘူးဆရာကနောက်ဆို ကျွန်မတို့
အဖွဲ့ကို လယ်ကွင်းထဲမဆင်းခိုင်းတော့ပါဘူး။
အမှန်က ကျောင်းမှာတစ်နှစ်တစ်နှစ်အလဟသအကုန်ကျခံပြီးစပါးကျောင်းသားတွေကိုစိုက်ခိုင်းတာ
ဘာကြောင့်မှန်းကိုနားမလည်နိုင်ဖြစ်ခဲ့ရပေမယ့် ကျွန်မတို့စားနေတဲ့ဆန်ကို တောင်သူလယ်သမား
တွေကောက်စိုက်သမတွေဘယ်လိုအပင်ပန်းခံစိုက်ပျိုးရလဲဆိုတာကိုလက်တွေ့နားလည်ခဲ့ရတာက
တော့တန်ဖိုးမဖြတ်နိုင်အောင်ပါဘဲ။