Pages

Thursday, October 21, 2010

ဘော်ဒီတောင့်မှ....လား။

ဒီအကြောင်းရေးပြီးမှ ကူးမောင်လေးဝမ်းကွဲပုံတွေတက်လာတော့ သူ့ပုံကိုတွေ့ပြီးတော်တော်အံ့သြသွား တယ်။  အရင်ကပိန်ပိန်ပါးပါးလေး၊ သူ့ကိုလက်ဆွဲရင်ကပ်ပါလာတဲ့ကောင်ကလေးက အခုတော့ ဒီလိုဖြစ်နေ ပါရောလား။ အန်တီကတော့တော်တော်ရင်မောနေရတယ်။  (ရောင်းရန်မဟုတ်ပါ၊း)))

အရင်တုန်းကပေါ့လေ..ကိုယ်ကယောကျာ်းလေးတွေသာငမ်းတတ်တယ်လို့ထင်တာ။   မိန်းကလေးတွေခန္တာကိုယ်ကလှတော့သူတို့က တွေ့ရင်အသည်းအသန်လိုက်ကြည့်ကြတယ်၊ ၀တ်စားထားတဲ့ အပေါ်မှာလဲမူတည်တယ်။ ယောက်ျားလေးတွေအတွက် အထူးဆန်းဆိုတာ ၀တ်ခွင့် မရပေမယ့် မိန်းကလေးတွေကတော့ ကြိုက်သလိုထွင်ဝတ်ခွင့်ရှိခဲ့လေရဲ့။ အဲတော့လဲလိုက် ငမ်းနေ ကြတာဆန်းတော့မဆန်းဘူးပေါ့။ ပြောမယ့်သာပြောတယ်၊ မိန်းကလေးလှလှပပ (သို့) ကြောင်တိ ကြောင်ကျား မြင်မကောင်းအောင်ဝတ်ထားရင် မိန်းကလေးချင်းတောင် ငေးမိ၊ ငမ်းမိသေးတာဘဲ။ အခုခေတ်က ယောက်ျားလေးတင်မက၊ မိန်းကလေးတွေပါ ယောက်ျားလေးတွေပေါ်တင်ငမ်းတဲ့ ခေတ်ရောက်နေပါရောလား၊ အရင်ကတော့ ရုပ်ရှင်တွေထဲမှာ ဟာသအနေနဲ့ထည့်ရိုက်ပေမယ့် အခုတော့ အတည်ဖြစ်နေပီ။  ကိုးရီးယားကားတွေဆိုရင် ယောက်ျားလေးတစ်ယောက် အိကျီချွတ်လိုက်တာနဲ့ ဘာသာပြန်တဲ့ သူတွေတောင်မနေနိုင်..အတင်းကို comment ထည့်တော့တာဘဲ။  မိန်းကလေးတွေဆိုလဲ ဟင်ကနဲ့ဟာကနဲ့.. ကျွန်မစိတ်ထင်..ဘာကြည့်စရာရှိလဲ..ပြားချပ်ချပ်ကိုယ်လုံးနဲ့... အထူးသဖြင့်ဗလတောင့်တောင့်.. ဗိုက်ကချပ်ပီး အရစ်ရစ်တွေထပ်နေပီဆို ရုပ်ရှင်ရုံထဲက မိန်းက လေးတွေတောင် wow..wow.. နဲ့ဖြစ်နေကြတာ...  ဘာတဲ့ Abs .. ဆိုလား..
ကဲနောက်ဆုံးတော့ ကျွန်မ ခေါင်းထဲအတွေးဝင်လာတယ်.. ယောက်ျားလေးထောင်ထောင် မောင်းမောင်းဆိုရင်မိန်းကလေးတွေ ပိုကြိုက်သလား၊ စိတ်ဝင်စားကြသလားပေါ့။ ဒါနဲ့ ကျောင်းတစ်ကျောင်းကိုသွားလည်တယ်။ တက္ကသိုလ်ဆိုတော့ ကျောင်းသူချောချောလေး တွေ များကြီးပေါ့၊ သူတို့ပြောတာ စွံတဲ့ယောက်ျားလေးအများစုက ဗလတောင့်လို့မဟုတ်ဘူး၊ သူတို့ ကိုယ်လုံးက ကြွက်သားတွေနဲ့.. body fit ၀တ်ရင်တော်တော်ကြည့်ကောင်းတယ်၊ ရင်ခွင် ကျယ်ကြီးနဲ့ပေါ့တဲ့။  ဗိုက်ကလဲအရစ်ရစ်တွေနဲ့ 6-pack ဆိုလားပြောပါတယ်။  (rain လိုကိုယ်လုံးမျိုးဖြစ်မယ်ထင်တယ်) အဲလိုကောင်လေး တွေများဆို ပိုက်ဆံမရှိ၊ စာမတော်၊ အပြောဆိုမတတ်လဲဆော်အတော်ကြည်တယ်ဆိုဘဲ။
အလေးမတဲ့ကိုယ်လုံးမျိုးမဟုတ်တာတော့သေချာတယ်..သူတို့က အပေါ်ပိုင်းကြီးပီး ကြွက်သား တွေဖားနဲ့တူတယ်လို့ထင်တာဘဲ။  အ၀တ်စားဝတ်လဲကြည့်မကောင်းဘူး။
ဒါပြောမှ ရန်ကုန်က သူငယ်ချင်းလေးတစ်ယောက်ကိုမှတ်မိတယ်၊ သူလဲ အမျိုးသားရေကုးကန် မှာ သွားသွားကစားတယ်၊ ကိုယ်လုံးလဲ တောင့်တောင့်ဖြောင့်ဖြောင့် ကြည့်လို့ကောင်းပါတယ်၊ သူ့ကိုကျွန်မက အပိုအလုပ်တွေလို့ခဏခဏပြောတယ်၊၊ သူ့မှာဘာမှမရှိဘူး။ ဒါပေမယ့် တော်တော်ဆော်ကြည် တာ။
တစ်ခေါက်မင်္ဂလာဆောင်ပွဲမှာ...ယောက်ျားတစ်ယောက်ဝင်လာပါရော၊  အရပ်မြင့်မြင့် ကိုယ်လုံး က ခပ်မိုက်မိုက်၊ မိန်းကလေးတွေမျက်လုံးက သူ့နောက်ကိုဝဲနေတာ... အစီစဉ်အစအဆုံးဘဲ။  ကလေးအမေတွေတောင် ကလေးနောက်ပြေးလိုက်ရင် သူ့ကို ငမ်းနေ သေးတယ်။ အဖြစ်ကအဲလို။ (အားလုံးကိုမဆိုလိုပါ)
မိန်းကလေးအများစုက သူတို့ချစ်သူ ရည်းစား တွဲတဲ့သူ သူငယ်ချင်းယောက်ျားလေးတွေ အဲလို ဘော်ဒီမျိုးရှိရင် အတော်ဂုဏ်ယူကြတာ။  shopping mall မှာတစ်ရက် ကျွန်မထိုင်ရင်းအကဲ ခတ်ကြည့်တယ်..  အတွဲအများစုမှာ မိန်းကလေးက ဘေးနားက ပျော့စိ နွဲခွေပီး သူတို့ရည်းစား နားမှာ ကပ်နေပေမယ့်၊ ဗလတောင့်တောင့် ကိုယ်လုံးမိုက်မိုက်ကောင်လေးတွေဘေးက မိန်းက လေးတွေ မျက်နှာကလေ အနားမှ သူများရှိတာတောင် သူတို့ သိရဲ့လားမသိ၊ အရာအား လုံးသူတို့ဘဲ အပိုင် ရထားသလို။ mall တစ်ခုလုံးပိုင်သလို ပိုင်စီးစီးရုပ်တွေဖြစ်နေတတ်ကြတယ်။  % နဲ့ တွက်ပြီးပြောတာပါ၊ အယောက်တိုင်းမဟုတ်ပါဘူး။
အခုနောက်ပိုင်းလူငယ်တွေလဲ gym အရမ်းသွားကြတယ်၊ ကျမ်းမာရေးအတွက် က 30% ဘော်ဒီ တောင့်ဖို့က 70%.။။ ကိုယ့်ကိုယ်ကိုယ်ယုံကြည်မှုရှိတဲ့ခန္တာကိုယ်မျိုးရလာရင်လဲ စိတ်ချမ်းသာ ကိုယ်ကျမ်းမာမယ် ယုံကြည်တာကြောင့်လဲဖြစ်နိုင်တယ်။
အမျိုးသမီးတွေလဲ ထိုနည်းလည်းကောင်းဘဲ။ ကိုယ်လုံးချပ်ချပ်ရပ်ရပ်လေးနဲ့သူ့နေရာသူရှိရင် လှနေတာဘဲ။  အချို့ကတော့ ခပ်တောင့်တောင့် ဖိုင့်ဖိုင့်လေးမှာပိုချစ်စရာကောင်းတယ် ထင်တာ။  ဒါပေမယ့် အစပိုင်းဘဲ၊ ရပီးကြာလာရင်တော့ သူတို့စိတ်ကူးယဉ်နေကြတာ ပိန်ပိန်ပါးပါးတွေဘဲတဲ့။  ကူးကတော့ ကျမ်းမာရေးအတွက်တောင် လေ့ကျင့်ခန်းမလုပ်ဖြစ်တာ ဘော်ဒီ လှဖို့တော့ မစဉ်းစားရဲပါ။
ဒီစာရေးထားတာကြာပြီ၊ မတင်သေးဘဲ သိမ်းထားတာ၊ မနေ့ညက အပြင်သွားတော့ gym နားအဖြတ် ကောင်လေးတစ်ယောက် gym ထဲကနေထွက်လာပါရော၊ ပ၀ါအသေးလေး လည်ပင်းမှာတင်ပြီး စွပ်ကြယ်အပါးလေးနဲ့၊  လမ်းဘေးက ကားဆရာတွေ သူ့ကို လှမ်းပီး အားကျတဲ့အကြည့်နဲ့ငေးနေကြတာ။
ချစ်သူကိုပြောတယ်၊ လေ့ကျင့်ခန်းလုပ်ပါ... ဗိုက်ပူနေပီ၊ ဆိုတော့ ပူလဲတစ်ယောက်ဘဲ၊ မပူလဲ တစ်ယောက်ဘဲတဲ့။  အခုတော့ ဘယ်က motive ၀င်လာလဲမသိပါဘူး၊ လေ့ကျင့်ခန်းအသည်း သန်လုပ်နေလေရဲ့။
ကျွန်မကတော့ ယောက်ျားလေးဆို ဘော်ဒီတောင့်မတောင့် သိပ်စိတ်မ၀င်စားပါ။  ဒါပေမယ့် အတော်သင့်ဘာဝတ်ဝတ်ကြည့်ကောင်းတာမျိုးတော့သဘောကျပါတယ်၊
အခုလက်တွေ့ ကြုံနေရတာလေးတွေ ရေးချမိတာပါ၊ ကိုယ့်စိတ်ကူးနဲ့ကိုယ်၊ ကိုယ်ခုံရုံးတင် ကိုယ်ဆုံးဖြတ်ချက်ချ၊ ကိုယ်ထောက်ခံပေါ့။း))
လမ်းကြုံခဲ့ရင် ဘော်ဒီတောင့်တောင့်နဲ့ယောက်ျားလေးရဲ့ရည်းစားနဲ့ သာမန် ကိုယ်လုံးကိုယ်ထည် ယောက်ျားတစ်ယောက်ရဲ့ ရည်းစား ယှဉ်ကြည့်အားရင်ကြည့်လိုက်ကြပါအုံး။

photo credit to

19 Comments:

amayarko said...

ကိုယ်လည်းဝိတ်ပေါကြီးလိုမျိုး အပေါ်ကြီး အောက်ရှူးကြီးမျိုးဆိုလုံးဝမကြိုက်ဘူး ။
ဘော်ဒီကို လှရုံလောက်ကလေးတောင်.ပြီး ဘာဝတ်ဝတ်အမိုက်စားဖြစ်နေတာမျိုးတော့ကြိုက်တယ် ။

ရန်ကုန်မှာနေတုန်းက အမျိုးသားရေကူးကန်မှာ ၄,၅ နှစ်လောက်ကစားခဲ့ဖူးတယ် ။
စက်တွေစုံသလို ယောက်ျားလေးနဲ.မိန်းကလေး အချိန်သက်သက်စီခွဲထားတော့ သွားကစားရတာအဆင်ပြေတယ် ။
ဒီမှာတော့ ရောထားတော့ သွားချင်စိတ်သိပ်မရှိတော့ဘူး ။ အကျင့်မပါလို.ပါ။
ခုတော့ အိမ်အောက်ထပ်ဆင်းပြေးနေတယ် ။

အိမ်ကမောင်အငယ်ကောင်ကတော့ သွားလိုက်ရတဲ့ gymဆိုတာပြောမနေနဲ့တော့ ။ :)

ရွှေရတုမှတ်တမ်း said...

ဘောင်းဘီခါးဆိုဒ်ကို ၃၀ မှာထိမ်းထားချင်လို့ အရင်ကတော့ ကစားတယ်..ငယ်ငယ်ကထဲကဘောင်းဘီပဲကြိုက်တာဆိုတော့ ဘောင်းဘီပဲဝတ်လေ့ရှိတာ..ဗမာပြည်မှာတုန်းကတော့ ခနခန ဘောင်းဘီမဝယ်နိုင်ဘူးလေ..ခုတော့ ကျမ်းမာရေးကြောင့် မကစားနိုင်တာ ၃ နှစ်လောက်ရှိပြီ..
ဒါပေမဲ့ တော်သေးတယ် ခါးတုတ်မလာလို့..

Anonymous said...

ကြွက်သားအဖုဖုနဲ့ ထုထုပြီး ခရာချင်စရာဆိုလားပဲလေ ။သဘောတကျဖတ်သွားတယ်နော်။

sosegado said...

ဒီကကကောင်လေးတွေကတော့၊ ဗိုက်ဝဘို့အဓိကပါ၊ အစစအရာရာရှားပါလို့
ရွေပြည်က လေ့ကျင့်ခန်းသင်တန်းဖွင့်ထားတဲ့ တစ်ယောက်ကညီးတယ်

rose of sharon said...

အဲဒီဘော်ဒီမျိုး မကြိုက်ပါဘူးကွယ်... :P

Shinlay said...

အဖေက အလေးမတယ်၊လက်ဝှေ့ ထိုးတယ်။ ငယ်ငယ်က
ဆို အဖေကို့ ကြည့်ပြီးကြောက်မိတယ်။
ကျမအိမ်ဦးနတ်ကျတော့ တော်တော်ပိန်တယ်။
အခုတော့ နဲနဲ ကစားလို့ လာ၊ အသက်ကြီးလာလို့ လား
မသိ ၀လာတယ်။
ပိန်ပိန်ပါးပါးမျိုးတော့ကြိုက်ပါတယ်။

Anonymous said...

ဝိတ်ပေါဘော်ဒီတော့မကြိုက်ဘူး
ကျစ်ကျစ်လစ်လစ် တည်ဆောက်ထားတဲ့ ဘော်ဒီမျိုးတော့ ကြိုက်တယ်
မိန်းကလေးတွေဆိုလည်းမော်ဒယ်လိုပိန်တာထက် ကျစ်လစ်သွယ်လျလှပတဲ့ ကိုယ်ခန္ဓာမျိုးကို သိပ်ကြိုက်တယ်..ကိုယ်တိုင်ကတော့.....:(:(

စူးနွယ်လေး

baby taster said...

မောင်လေးကချောသားပဲ
အမလည်း ဘော်ဒီတောင့်တာတော့
ကြိုက်ပေမဲ့ အရမ်းတောင့်တာတော့
မကြိုက်ပေါင် ကြောက်တယ်

ZT said...

တစ်ချို့ ကောင်မလေးတွေကတော့ အဲဒီလို ခန္ဓာကိုယ်ကို ဝိတ်ပေါကြီး ဆိုပဲ။ :D

စန္ဒကူး said...

ဝတ်ပေါလို့ အရင်ကခေါ်ခဲ့တဲ့သူတွေကိုယ်လုံးက..ဒီလိုကိုယ်လုံးတွေနဲ့အရမ်းကွာတယ်..
သူတို့က ဖောင်းကားကားကြီးလေ... အောက်ပိုင်းလဲရှုးတယ်။ ဘာဝတ်ဝတ် ကြည့်မကောင်းဘူး။ ပွယောင်းယောင်းဖြစ်နေတာလေ။

သံလွင် HeRo said...

ဟားဟုတ်လား......ဒါဆိုမရတော့ဘူး
ကောင်မလေးတွေပြန်ကြိုက်အောင် ဂျင်သွားမှ
ဖြစ်တော့မယ်....အခုမှသိတော့တယ်
တစ်ယောက်မှပြန်မကြိုက်တာ 6packs မရိုလို့ကိုးး(

စန္ဒကူး said...

hahahahaha.. တော်တော်နောက်တယ်.. သံလွင်ဟီးရိုး.. ကူးက မြင်တာပြောပြတာပါ... ကောမန့်မှာကြည့်ရင် အချို့က အဲလိုကိုယ်လုံးမကြိုက်သူ တွေရှိသေးတယ်..
အားမလျှော့နဲ့..ဟီးး

သိင်္ဂါကျော် said...

ဘော်ဒီတောင့်တောင့်ကို ဖော်ပြ နေတာမျိုးကို မကြိုက် မကြိုက်..

ahphyulay said...

အင်း...
ဘယ်လိုပဲ ဖြစ်ဖြစ် စိတ်ရဲ့  အလှ ကသာ
အဓိက မဟုတ်လားလို့ ။ ပြင်ပ အလှ က
ဖန်တီးယူလို့ ရတာလေ...။
မရွှေစင် ဆီက မျက်လုံးတစ်လုံးထဲ တွေ့ တာနဲ့ 
လိုက်ကြည့် မိတယ်။ နောက်တစ်လုံးကို...။

~ဏီလင်းညို~ said...

ကူးကူးရဲ့စာလေးဖတ် ......ပုံလေးတွေကိုကြည့်ပြီး....ကိုယ့်ကိုယ်ကို ပြန်ငုံ့ကြည့်မိတော့ ကျွန်တော့်ကို..... ကျွန်တော်ကပဲပြန်ပြောတယ်လေ.....။
“ဘာငုံ့ကြည့်တာလည်း....ငါးဖောင်ရိုးခြောက်ရဲ့”.......တဲ့....။
ခွိ......။

ခင်မင်ခြင်းအားဖြင့်.....
ဏီလင်းညို

Moe Cho Thinn said...

အမှန်အတိုင်း ပြောရရင် ၀ိတ်ပေါ မဟုတ်တဲ့ ဘော်ဒီတောင့် တဲ့ လူ၊ ရုပ်ဖြောင့်တဲ့ လူ၊ အရပ်မြင့် တဲ့လူ .. သဘောကျပါတယ်။ ဒါပေမဲ့ သဘောကျတာ ချစ်တာ မဟုတ်လို့ ကိုယ်ချစ်တဲ့လူက အဲဒီ အချက်တွေနဲ့ တခုမှ မကိုက်ဘဲ စိတ်ထားကောင်းတာနဲ့ ချစ်မိတာပါပဲ။ အဓိကက ယောကျာင်္းလေးဖြစ်စေ၊ မိန်းကလေး ဖြစ်စေ စိတ်သာ အဓိက လို့ ထင်မိတာပဲ။

Anonymous said...

ကိုယ့်ကိုကိုယ် စော်ကြည်ပါတယ် အောက်မေ့နေတာ.. လက်စသတ်တော့ ဒါ့ကြောင့်ကိုး .. :D :D :D

အဖြူရောင်နတ်သမီး said...

ချစ်သူလည်း ဗိုက်ပူ...
ကိုယ်လည်း ခါးတုတ်...
ဟိ...
လိုက်တယ်ဟုတ်...
း)

စန္ဒကူး said...

same...same here.. heehee

Post a Comment

ကူးကူးရေ...

 
Powered by Blogger