Skip to main content

ဆႏၵမေစာၾကပါနဲ႕

ဥဥခ်စ္သူေမာင္ က tag ထားတယ္။  သူ႔ေခါင္းစဥ္ၾကီးက ခက္လိုက္တာလို႔။

အပင္စိုက္တာ၀ါသနာပါတဲ႔ ကၽြန္မေတာင္မွ ႏွစ္ရွည္ပင္ဆိုမစိုက္ခ်င္ဘူး။  ေစာင့္ရမွာ စိတ္မရွည္တာရယ္၊ ကိုယ္မရွိမွသီးရင္ဒါမွမဟုတ္ ကိုယ္မရွိတဲ့အခ်ိန္ ဘာပင္မွန္းမသိ သူမ်ားခုတ္ပစ္လိုက္ရင္ အလဟသျဖစ္မွာကိုေတြးေၾကာက္ေနတဲ့အေတြးနဲ႔ ေရရွည္မ ၾကည့္မိခဲ့တဲ့အခ်ိန္ေတြအမ်ားၾကီးရွိဖူးတယ္။

ေက်ာင္းတုန္းက ေဘာပြဲၾကည့္ေတာ့တစ္ဖက္အသင္းက ႏိုင္ရင္ကိုယ္ကမခံခ်ိမခံသာနဲ႔..
ေဘးနားက ေက်ာင္းသားေတြကလဲဟုိလိုကန္ပါလား..ဒီိလိုလုပ္ပါလား၀ိုင္းေအာ္ၾကတာေတြလဲနားယဥ္ဖူးတယ္။
စိတ္ထဲမွာေတာ့ သူတို႔ကိုယ္တိုင္၀င္ကန္ပါလားလို႔ အျမင္ကတ္ကတ္နဲ႔ ေျပာခဲ့ဖူးတယ္။ ကိုယ္တိုင္၀င္ကန္ဆိုေတာ့လဲအျဖစ္မရွိ၊ကြင္းလယ္ေရာက္ပီးထင္သာျမင္သာရွိတဲ့သူေတြကို ကြင္းေဘးနားထိုင္ အခ်ဥ္ထုတ္ေလးစား၊ ကြမ္းယာေလးျမံဳပီး လွမ္းဆဲဆို ေနၾကတဲ့ သူေတြ ပိုမ်ားေနပါတယ္။
ပြဲျပီးသြားရင္ ႏိုင္တဲ့သူႏိုင္မယ္၊ ရႈံးတဲ့သူလဲရွိမယ္။
ဒါကို ေပ်ာ္သူရွိသလို၀မ္းနည္းသူရွိမယ္။
ဒါေပမယ့္ ေဘာပြဲပီးေနာက္မွာေတာ့ ၀မ္းတစ္ထြာကိုျဖည့္ဖို႕ဆက္ျပီးရုန္းေနၾကရအံုးမွာ...

ျမင္ေနရတဲ့လူေတြထဲမွာ တစ္ပိုင္တစ္ႏိုင္က်ိဳးစားလုပ္ေပးေနတဲ့သူေတြလဲရွိတယ္။
ကိုယ္နဲ႔အတူ၀ိုင္းလုပ္ေအာင္ အားေပးဆြဲေခၚမယ့္အစား ကိုယ္လုပ္လာႏိုင္တဲ့အေပၚမလုပ္ႏိုင္သူေတြကိုပုတ္ခတ္ရႈတ္ခ်၊ကိုယ့္ကိုယ္ကိုယ္မသိမသာ ပင့္တင္လာၾကတာေတြလည္းရွိတယ္။
ျဖစ္ပီးတာကိုတစ္သသနဲ႔ အတိတ္ကေနမရုန္းႏိုင္ဘဲ အတိတ္ကိုဆြဲေခၚပီး ပစၥဳပန္မွာ ေနတဲ့သူေတြလဲရွိတယ္။
တစ္လွမ္းခ်င္းတက္လွမ္းရမယ့္ ေလွခါးကို အဆင့္ေက်ာ္ခုန္ခ်င္တဲ့သူေတြလဲရွိတယ္။
မေတာ္လဲေခ်ာ္မိရင္ေတာ့မဲဲမဲထင္မင္းေၾကာင့္/သူ႔ေၾကာင့္လွမ္းေအာ္အျပစ္တင္ၾကတာေတြလဲရိွတယ္။
သတင္း ဆိုတာမ်ိဳးကလဲ မယူတတ္ရင္အျဖစ္ပ်က္တစ္ခု/ စကားတစ္ခြန္းပၚအေျခခံ.. တစ္ဆင့္ပီးတစ္ဆင့္ အမွန္ကေန အမွားဆီ ေရာက္ေအာင္ ဆြဲပြားႏိုင္ေသးတယ္။
ခ်စ္သူကေျပာတယ္.. အာဖရိကမွာရွိတဲ့ဆင္းရဲတဲ့လူငယ္ေတြ နပ္မွန္ေအာင္စားရဖို႔ မလြယ္တဲ့အခ်ိန္မွာ သူတို႔ေရာ iphone ေလးကိုင္ျပီးဖုန္းေျပာဖို႔ game ေဆာ့ဖို႔ မထိုက္တန္ဘူးလား.. လူလူခ်င္းဘဲ..
သူတို႔ေရာ ကြန္ျပဴတာအေရွ႕ထိုင္ပီး facebook ေလးလုပ္ေနဖို႔ မတန္ဘူးလား..
လူလူခ်င္းဘဲ..  ဆင္းရဲတဲ့သူေတြ basic need ကို အႏိုင္ႏိုင္ရွာေနရတဲ့အခ်ိန္ ကၽြန္မတို႔ မွာ ကိုယ္လိုခ်င္တာေတြနဲ႔ျပည့္ေနတဲ့အတၱစိတ္ေတြနဲ႔ မြန္းေနတယ္။ 
ကို္ယ့္ေျခေထာက္ေပၚကိုယ္မတ္မတ္ရပ္ရင္စားေလာက္ရံုဘဲရလို႕ အပိုအလွ်ံေလးနဲ႔ ေငြလွ်ံေအာင္ အပင္ၾကီးၾကီးအရိပ္မွီရပ္ေနရတဲ့ သူေတြ လဲရွိမယ္။
ေျပာင္းလဲမႈကိုလက္ငင္းျမင္ေတြ႔ခ်င္လို႔ စိတ္ေတြေလာေနတဲ့ သူေတြလဲရွိမယ္..
ေရလိုက္ငါးလိုက္.. သူမ်ားေအာ္.၀င္ေအာ္လိုက္မယ္ဆိုတဲ့သူေတြလဲရွိမယ္။
ႏွစ္ႏွစ္ကာကာ ျဖစ္ေစခ်င္တဲ့စိတ္နဲ႔မျဖစ္ႏိုင္တာကိုသိသိနဲ႕ဆႏၵေစာေနသူေတြလဲရွိမယ္။

လူေတြမွာ ေစာမိတဲ့ဆႏၵကို အျပစ္လို႔ေျပာရင္လဲ အေျပာခံရမွာဘဲ..  ျဖစ္ေစခ်င္တာေတြမ်ားလို႔ ဆႏၵေစာမိတယ္။  
ျဖစ္ေစခ်င္လြန္း...တဲ့ဆႏၵ ေၾကာင့္ ဆႏၵေစာမိသူေတြကို အျပစ္မျမင္ရက္ပါဘူး။
မေကာင္းဘူးဆိုရင္ေတာ့ဘယ္သူကျဖစ္ေစခ်င္မလဲေလ...
အားလံုးေကာင္းဖို႔အတြက္ ဆႏၵေတြေစာေနၾကတာေတာ့ ကိုယ္လဲပါတယ္။
ဒါေပမယ့္ ေရရွည္အေရးကိုေတြး ကိုယ္၀ုန္းဒိုင္းထလုပ္လိုက္မွ ပိုဆိုးတာမ်ိဳး မျဖစ္ေအာင္ေတာ့သတိထားရအံုးမွာေပါ့။

** မည္သူတစ္ဦးတစ္ေယာက္ကိုမွ ထိခိုက္ေစလိုျခင္းမရွိပါ၊ စိတ္ထဲရွိတာေလးခ်ေရးတာသာျဖစ္လို႔ အမွားပါလဲခြင့္လႊတ္ေပးပါ **

 Photo credit:  http://85.94.205.191/finedininglovers.com/BlogPost/l_1105_impatient-egg.jpg

Comments

  1. ဟန္ၾကည္March 26, 2012 at 3:08 PM

    မွန္သေပါ့ကြယ္...ျဖည္းျဖည္းနဲ႔ မွန္မွန္ hasten slowly ဆိုတဲ့ စကားအတိုင္း လိုက္နာရေပမေပါ့...အျမန္လုပ္ရင္ အျမန္ပ်က္တတ္သကိုး...

    ReplyDelete
  2. ဆႏၵေစာတာေတာ့လမင္းကုိဘယ္သူမွမွီမယ္မထင္ဘူး...
    စိတ္ကမရွည္ လုပ္ခ်င္တာဆိုခ်က္ခ်င္လုပ္လိုက္ရမွာ
    ပုံမွန္ပဲေကာင္းပါတယ္ေလေနာ္ ညီမေရ
    လာဖတ္ခဲ့ပါေၾကာင္း

    ReplyDelete
  3. ဟဲဟဲ အဲဒါမွဥဥတူမေလးရဲ႔ေရးဟန္အစစ္ အဲလိုေ၇းဟန္မ်ိဳးမေတြ႔ရတာၾကာၿပီ
    ေက်းဇူးအဘကီးဘကီးတင္တယ္ကူးစ္ေရ

    ခင္တဲ႔
    ဥဥ

    ReplyDelete
  4. စိတ္ရွည္ရွည္နဲ႔ အလုပ္လုပ္တာ အေကာင္းဆံုးပါ ကူးကူးေရ
    ဒါေပမဲ႔ ကိုယ္တိုင္ကေတာ႕ ဆႏၵေစာတတ္တဲ႔သူ စိတ္မရွည္တဲ႔သူူ တစ္ေယာက္ ျဖစ္ပါတယ္။
    စိတ္ရွည္ရွည္ထားတတ္ေအာင္ေတာ႔ ၾကိဳးစားရဦးမွာပါ။

    ReplyDelete

Post a Comment

ကူးကူးေရ...

Popular posts from this blog

Food Review: ပုရစ္ေၾကာ္

ပုရစ်ကြော်ကြိုက်တဲ့မောင်လေးကိုကို မမ ညီမများအတ ွက်ပါ။ မနှစ်က ရွှေနှင်းဆီညီမလေးဆီက တစ်ခါမှာဖူးတယ်။ ပို့ရတာဝေးတဲ့အတ ွက် ကိုယ့်ဆီရောက်လာတော့ မှိုတေ ွတက်ပြီးစားမရတော့ ၂ သိန်းခ ွဲရှုံးတာဘဲ။ ဒီနှစ်ပရစ်ပေါ်ချိန်ရောက်တော့ သေချာထုပ်ပိုးပြီးပြန်ပို့မယ် ပြောလို့ ယူအကစ် က နေတဆင့် က နေဒါကို လှမ်းပို့တာ နောက်ထပ် ဒေါ်လာ ၅၀ ထပ်ပေးပြီး ချောချောမောမောရောက်လာတယ်။ တန်သလားလို့ မေးရင် မတန်ပါဘူး၊ အရသာရှိလားမေးရင် ရှိပါတယ်။ အစားမက်တဲ့ ကျွန်မအတ ွက်တော့ အလ ွမ်းပြေပုရစ်ကြော်လေးပါ။ အထုပ် ၅ ထုပ်ကို ၃ သိန်းနီးပါးပေးထားရလို့ မျက်စိမှတ်စားပေမယ့်  အ ကောင်တော်တော်များများကို  အ တောင်ပံမဖြုတ်ဘဲကြော်ထားတာ၊  အ တောင်တေ ွမှာ သဲတေ ွရွှံ့တေ ွကပ်နေတာတေ ွ့ရတယ်။ နောင်ဆိုရင်တော့ ပိုပြီး သန့်ရှင်းအောင်လုပ်ပေးမယ်လို့ မျော်လင့်တာပါဘဲ။ ပို့ပေးတဲ့ညီမလေးက တော့ ကြိုးစားပမ်းစားနဲ့ စေတနာထားလုပ်ပေးတာကိုတော့ ကျေနပ်မိတယ်။  ပုရစ်ကြော်အချိ ုထုပ်ကို  သဲမပါအောင်တစ်ကောင်ချင်းထိုင်ရေ ွး ရုံးကိုယူသွားပြီး လုပ်ဖော်ကိုင်ဖက်တေ ွကိုကျွေးတော့ အားလုံးသ ဘောကျ ကြတယ်။ ကြောက်လဲကြောက်တယ် စမ်းလဲစားကြည့်ကြတယ်။ ဒီမှာလဲ ပုရစ်ပေါင်ဒါမှုန့် ကို အားဖြည့်မှုန့်အစားထည

ငါးခ်ဥ္ လုပ္ရေအာင္

ငါးခ်ဥ္စားခ်င္တာၾကာပါျပီ။ ကိုယ္တိုင္လုပ္ဖို႕ၾကိဳးစားခဲ့ေပမယ့္မေအာင္ျမင္ခဲ့ဘူး။ ေနာက္ပိုင္း စားခ်င္တဲ့စိတ္ကိုေမ့ေမ့ေလ်ာ့ေလ်ာ့ ထားထားတာ၊ အရင္အပတ္က ေက်ာင္းတက္ေနတဲ့ ျမန္မာ မိသားစုအိမ္သြားလည္ရင္းနဲ႔ သူငါးခ်ဥ္စမ္းလုပ္ထားတဲ့အေၾကာင္း၊ ေအာင္ျမင္တဲ့အေၾကာင္း၊ အဲဒီေန႔က ငါးခ်ဥ္ဗူးကိုဖြင့္ သူကိုယ္တိုင္ေၾကာ္ေပးပါတယ္။ ငါးခ်ဥ္ဗူးကုိေခ်ာင္းၾကည့္ေတာ့ ထမင္းလံုးမာမာေလး ေတြေတြ႔တယ္..အဲဒီမာတဲ့ထမင္းက မက်က္ေသးတဲ့ထမင္းနဲ႕တူတယ္။ သူက ေနာက္မွေအးေဆး လုပ္နည္းေျပာျပမယ္ဆိုျပီးအဲဒီေန႔ အျခားအေၾကာင္းေတြဆီ စကားဆက္ေရာက္သြားတာနဲ႔ ကၽြန္မျပန္လာတဲ့အထိ သူေျပာဖို႕ေမ့သြားတယ္။ မ်က္ေစ့ထဲမွာ အဲဒီငါးခ်ဥ္ဘဲစြဲေနတာေၾကာင့္ ငါးသြား၀ယ္ပီး လုိခ်င္တဲ့အတံုးအေနခုတ္ခိုင္း တယ္။ ဒီငါးက ငါးသေလာက္လိုဘဲ..ျမန္မာလိုဘယ္လိုေခၚလဲမသိ၊ အရိုးေသးေသးမႊားမႊားေတြ အရမ္းမ်ားတယ္။ ဒါကေတာ့ ကၽြန္မလုပ္တဲ့နည္းေလးပါ.. ငါးကုိအေၾကးခြံက်န္တာေလးေတြနဲ႔ ဗိုက္ထဲက ဟာေလးေတြကိုေသခ်ာေဆး။ ျပီးရင္ေတာ့ ဆားၾကမ္းနဲ႔ နယ္ပီး ၃ နာရီေလာက္ႏွပ္ထားပါတယ္။ ငါးဆားနယ္ထားတဲ့အခ်ိန္ ထမင္းကိုစခ်က္ပါတယ္၊ ထမင္းအိုးမီးမေျပာင္းခင္ ဆန္မက်က္ခင္ ေလးမွာ ထမင္းလိုသေလာက္ခပ္ထုပ္ပါတယ္။ ထမင္းကို ဆားၾကမ္းနဲ

ပုဇွန်ချဉ် (Pickled Shrimps)

ကျွန်မအန်တီလေးတစ်ယောက်ကမြောင်းမြတစ်ဖက်ကမ်း ကွယ်လွမ် မှာနေပါတယ်။နွေကျောင်းပိတ်ရက်တွေ မှာရန်ကုန်ပုသိမ်သင်္ဘောကြီးစီးပီးမြောင်းမြကိုသွားလည်တိုင်းသင်္ဘောဆိုက်ဆိမ်းကမ်းနားရောက်တစ်ဖက် ကမ်းလှမ်းကြည့်လိုက်ရင်အန်တီ့အိမ်ကိုတန်းမြင်ရပါတယ်။ဖုန်းဆက်အကြောင်းကြားထားတော့သူတို့ကလဲ လက်လှမ်းပီး လက်ပြ၊ ကျွန်မတို့မောင်နှမတွေကလဲသင်္ဘောပေါ်ကနေခုန်ဆွခုန်ဆွလက်ပြပီးအရမ်းကို ပျော်ခဲ့ ရပါတယ်။ အထုပ်ပိုးတွေသယ်ပီး ကွယ်လယ်ဘက်ကို ကူးမယ့် ကူးတို့ပေါ် တက်၊ ဗေဒါအဆုပ်လိုက် ကျုပင် မြစ်ပြုတ်ပီး ပေါလောပေါ်နေတာတွေကြားထဲက ကူးတို့လက်တံနှစ်ချောင်း လက်နဲ့လှည့်လှော်ရတဲ့ လှေလေးပေါ်ကနေ တစ်ဖက်ကမ်းကိုကူးကြ ပါတယ်။ အန်တီ့အိမ်ရောက်တာနဲ့ ပူနွေးနွေး ပေါ်ဆန်းမွှေးရယ် ပုဇွန်ချဉ်သုတ်လေးရယ် စားရတဲ့အရသာ ကိုတော့တစ်သက်မမေ့နိုင်ပါဘူး။ ကျွန်မပြောခဲ့ဖူးသလိုနှစ်သက်လှတဲ့အစားသောက်တိုင်းဟာအမှတ်ရစရာအဖြစ်ပျက်တွေကနေအခြေခံလာပါတယ်။ နှစ်ပေါင်းများစွာ ပုဇွန်ချဉ် စားတိုင်း အန်တီလေးကို မြင်ယောင်မိသလို သတိရလွမ်းဆွတ်မိတယ်။ တစ်ဆက်တည်းမှာဘဲ အန်တီလေးလို အဖြစ်မျိုး ဘယ်အိမ်ထောင်သည်အမျိုးသမီးမဆို မကြုံရပါစေ နဲ့လို့လည်းဆိုတောင်းမိပါတယ်။ ကျွန်မကနေဒါရောက်ပီးနောက်ပိုင်းမှ