Pages

Sunday, June 15, 2008

ခံစားချက်စူးရှရှ

ကျွန်မအခုတစ်လောစိတ်တွေလွင့်နေပါတယ်။ ဘယ်ကိုမှန်းမသိတော့ဘူး။ စကားပြောရင်
လဲတောင်ရောက်မြောက်ရောက်.. တစ်ခါတစ်လေကိုယ်ဘယ်သူ့ကိုစကားပြောနေမှန်းတောင်
သတိမထားမိဘူး။ ဒါစိတ်ဖိစီးမှုရောဂါလို့ခေါ်မလား။ စိတ်ဖိစီးမှုတွေတစ်ရက်တစ်ရက်အမြဲကို
တွေ့နေရပါတယ်။ လူတိုင်းမှာလဲရှိတယ်။ ပေ့ါပေါ့လေးတွေးပြီးပျော်ပျော်နေလိုက်ရင်ပြီးသွားမှာ။
ကျွန်မနေသာထိုင်သာရှိတယ်။ ဟိုသွားဒီသွားလုပ်နိုင်တဲ့အချိန်ဆိုရင်တော့ဘာကြီးဘဲလာလာ
ဝဲလ်ကမ်းဘဲ။ ဒါပေမယ့်ကိုယ်ကလဲနေရတာမသက်သာ။ အိမ်ထဲမှာဘဲအောင်းနေသင့်တဲ့အချိန်
မျိုးတွေမှာဆိုရင်တော့တစ်ခုခုဖြစ်လာတိုင်း၊ ကိုယ်နဲ့တိုက်ရိုက်ပတ်သတ်တဲ့အကြောင်းတွေရှိသ
လို၊ ကိုယ်နဲ့မပတ်သတ်ဘဲသွယ်ဝိုက်ပြီးကိုယ့်ဆီကိုရောက်လာတဲ့စိတ်ဖိစီးမှုတွေကိုတွန်းလှန်နိုင်
အားမရှိပါဘူး။အခုချိန်နိုင်ငံတိုင်းမှာဈေးတွေအကုန်တက်တယ်။ အထူးသဖြင့်နေ့စဉ်စားကုန်ဖြစ်
တဲ့ဆန်၊ ဆန်ကလဲအကောင်းစားမဟုတ်သည့်တိုင်အောင်ဒီကဆန်တွေတော်တော့်ကိုညံ့တဲ့အ
တွက် export မဟုတ်တဲ့ဆန်ဆိုစားလို့လုံးဝကိုမရပါဘူး။ (ဒါတောင်ဆန်ဈေးကြီးတာဝယ်စား
လို့ဆိုပြီးအပြစ်တင်ချင်သေးတယ်...အကြွေးရှင်ချစ်တီးများအသင်းကပေါ့)..
ကျွန်မစိတ်ဖိစီးမှုမခံချင်ပါဘူး။ အလိုလိုကိုယ့်အပေါ်ရောက်လာတော့လဲခံရတာပေါ့... လူမှုရေး
ကိစ္စ အထူးသဖြင့်ကျွန်မအားနည်းချက်က သူများအပေါ်ကိုယ့်စိတ်နဲ့နှိုင်းပြီးရိုးသားကူညီတာဘဲ။
အဲဒါကြောင့်လဲခဏခဏ အကစ်ခံရတာများနေပြီ။လူတိုင်းကိုကိုယ့်စိတ်နဲ့နှိုင်းပြီးမဆက်ဆံသင့်
ဘူးဆိုတာကိုအခုတော့ကောင်းကောင်းနားလည်ပါပြီး။ မြန်မာတွေရောက်ရောက်လာတိုင်းသူ
များနိုင်ငံမှာမျက်နှာငယ်မှာဆိုးလို့အစစအရာရာကိုယ်ကလိုက်လုပ်ပေး၊လိုက်ပူပန်ပေးနဲ့..နောက်
ဆုံးတော့လဲကျေးဇူးမတင်ချင်နေပါ... ကျေးဇူးကန်းခံရတာလဲခဏခဏ...
သြော်..ဘ၀ဘ၀..ကျွန်မမှာမိန်းကလေးသူငယ်ချင်းမရှိဘူး။ ထားလို့လဲမရဘူး။ မေးထူးခေါ်ပြော
လောက်သာ...ဘာလို့လဲသိလား..ပေါင်းပြီးသိပ်မကြာဘူး..ကိုယ့်ကိုအခွင့်ရေးယူတော့တာဘဲ။
မဟုတ်ရင်လဲကွယ်ရာမှာအတင်းပြော၊ မဟုတ်တမ်းတရားလျှောက်ပြော... ဒါတွေကြောင့်မိန်း
ကလေးသူငယ်ချင်းမထားချင်တာ။ ကောင်းတဲ့သူငယ်ချင်းရတဲ့သူတွေကတော့ကံကောင်းပါ
တယ်နော်။ ကျွန်မမှာယောက်ျားလေးသူငယ်ချင်းတွေဘဲရှိတယ်။ လာခင်တဲ့သူတိုင်းကိုပြန်ခင်
တတ်တဲ့သူတော့မဟုတ်ဘူး။ ကျွန်မကန့်သတ်၊သတ်မှတ်ထားတဲ့စည်းဘောင်ထဲကသူ။ နှမချင်း
ကိုယ်ချင်းစာနာနားလည်တတ်တဲ့သူ။ အပြောဆိုယဉ်ကျေးတဲ့သူတွေကိုသာစနစ်တစ်ကျရွေး
ချယ်ပြီးသူငယ်ချင်းအဖြစ်သတ်မှတ်တာပါ။
အခုကျွန်မဘာတွေဖြစ်နေလဲ....
၁။ ကျန်းမာရေးအရ..နဂိုရောဂါတွေအပြင် under treatment အခြေနေကိုရောက်နေတယ်။
(သေတော့မသေဘူး...တော်တော်တော့ခံရခက်တယ်)
၂။ အရင်လုပ်ခဲ့တဲ့နေရာက ကိုယ့်ဆရာသမားတွေကကိုယ့်ကိုအထင်လွဲတာခံနေရတယ်။
(မနာလိုစိတ်များလာရင်လူတစ်ကာကိုအကောင်းမမြင်တတ်တော့တာလူ့သဘာဝဆိုတာနား
လည်လိုက်ရတယ်)
၃။ အတန်းဖော်တွေရဲ့သစ္စာဖောက်မှု၊အခွင့်ရေးယူခိုင်းမှု၊ အရူးလုပ်တာတွေခံနေရတယ်။
(လူမျိုးမတူတော့ဘာသဘောလဲတော့မသိဘူး။ကိုယ်ကတော့အတန်းထဲမှာအငယ်ဆုံးလဲဖြစ်
တစ်ကိုယ်ရေသမားမို့အစစရာရာကူညီမိတာ..နောက်ဆုံးတော့...)
ဒါတွေဘာဖြစ်လဲ..အနေသာကြီး..မရဘူး...အဲဒါတွေကိုစဉ်းစားမိရင်ကိုယ်ကကူညီပေးတာ...
ကိုယ်ကောင်းသလောက်ကိုယ့်အပေါ်ဘာကြောင့်ဒီလိုများလုပ်ရတာလဲ...စဉ်းစားလို့မရဘူး။
တွေးမိရင်စိတ်မကောင်းဖြစ်တယ်... နောက်အခြားအကြောင်းတွေနဲ့ရောလိုက်တော့ ထုထည်
ကြီးလာပြီးစိတ်ဖိစီးမှုဖြစ်လာတယ်။ စိတ်ဖိစီးမှုများရင်ရုပ်ရင့်တယ်တဲ့...ဟုတ်မှာပါ..ကိုယ့်ကို
ကိုယ်မှန်ထဲကြည့်တော့အသက် ၃၄-၃၅ ၀န်းကျင်ရုပ်နဲ့သိပ်မကွာဘူး...
ပျော်ပျော်နေရင်စိတ်ဖိစီးမှုဒဏ်ကပေါ့သွားမယ်တဲ့။ ပျော်ပျော်နေနိုင်အောင်ပျော်စရာလေးကို
အရင်ရှာတွေးမှရမယ်။ အဲဒီပျော်စရာဆိုတာရှာတွေးလို့တောင်မရတဲ့အခြေနေမှာဘာကိုတွေး
ပြီးပျော်နိုင်ပါ့မလဲ...............................................................................................................
........................................................................................:(

0 Comments:

Post a Comment

ကူးကူးရေ...

 
Powered by Blogger