Pages

Saturday, April 26, 2008

အားဘူး...အားဘူး...

အခုတစ်လောကျွန်မအလုပ်တွေအရမ်းများနေပါတယ်။ ဒီတစ်ခေါက်(၄)ဘာသာယူထားတော့
ရူးမလောက်အောင်စာတွေများလွန်းပါတယ်။ကွန်ပြူတာထဲမျက်နှာဝင်မတတ်ပါဘဲ။ ဘလော့
ထဲမှာရေးစရာလေးတွေအများကြီးရှိပေမယ့်မနက်ထတာနဲ့ရုံးကိုပြေး၊ အလုပ်လုပ်ပြီးညနေရုံး
ဆင်းချိန်ရောက်တာနဲ့အိကျီတောင်မလဲအားဘဲကျောင်းကိုပြေးရပါတယ်။ ကျောင်းကည(၁၀)
နာရီမှပြီးတယ်။အိမ်ပြန်ရောက်တော့ ၁၀နာရီခွဲနေပြီ။ professor ပေးထားတဲ့စာတွေကိုအသဲ
အသန်ရှာရပါတယ်။ case study တွေခေါင်းခြောက်အောင်စဉ်းစားရပါတယ်။ သောကြာနေ့
တော့ရုံးနေ့တ၀က်ဘဲတက်ရတော့အေးဆေးတယ်မထင်ပါနဲ့။ သောကြာနေ့လဲရုံးဆင်းတာနဲ့
ကျောင်းကိုပြေးရပြန်ပါတယ်။အိမ်မှာမာမီရောက်နေတော့စားသောက်ဖို့စိတ်မပူရပေမယ့်
နောက်လကျရင်တော့ဝိတ်ကျမယ့်ကိန်းကိုမြင်နေရတယ်။အရေးထဲမှာဘန်ကောက်သွား
ဖို့ဗီဇာလျှောက်တာသံရုံကတော်တော်ရစ်လို့အရမ်းကိုစိတ်တိုရသေးတယ်။ မဆီမဆိုင်စာရွက်
တွေလိုက်တောင်းတယ်။ဘန်ကောက်ကိုထရန်စစ်အနေနဲ့ဝင်ဖူးပေမယ့်အခုဟာကညီမလေး
ဘွဲ့ယူမှာမို့ဒီကနေဗီဇာလျှောက်တာဒီလောက်ခက်မှန်းမသိဘူး။ဗီဇာဖိုးလဲနင့်နေအောင်
တောင်းသေးတယ်။တော်တော်အသဲယားတယ်။တစ်ခြားနိုင်ငံတွေများအဲလောက်မခက်ပါဘူး
ကိုယ့်နိုင်ငံနဲ့အနီးဆုံးနိုင်ငံလေးကရစ်လိုက်တာဝက်အူရစ်တောင်အရှုံးပေးရမယ်။
(၃)ခါလောက်ထပ်ဆင့်လျှောက်ပြီးတဲ့အခါမှာတော့ရလာပါပြီဗီဇာ။
ပလတ်စတစ်လောင်းပြီးမှန်ဘောင်ထဲထည့်ချိတ်ထားရင်ကောင်းမယ်။
အရေးထဲမှာမြန်မာသံရုံးကနာမည်အလုံးလိုက်တပ်ပြီးရောက်လာတဲ့ဖိတ်စာ။
referendum on that draft constitution
ဖြစ်နိုင်ရင်တော့ဘာမှသွားပြီးမဲမပေးချင်ပါဘူး။ ဘာလို့လဲဆိုတော့ ဘာမှန်းမသိနားမလည်
လို့ပါ။ မြန်မာနိုင်ငံသားတစ်ယောက်အနေနဲ့ကိုယ့်နိုင်ငံအရေးနဲ့ပတ်သတ်တာကိုလစ်လျူ
ရှုမသိဘာသာနေခြင်သလားလို့မေးတဲ့သူရှိသလို၊ ဒီမဲပေးတဲ့အပေါ်မှာအခွင့်ကောင်းယူ
ပြီးသူတစ်ပါးနိုင်ငံမှာခိုလှုံခွင့်တောင်းဖို့စီစဉ်နေကြတဲ့သူတွေအကြောင်းကြားရတဲလဲစိတ်
မချမ်းသာလှပေးဘူး။ ကျွန်မအမြင်တော့ကိုယ့်တိုင်းပြည်၊ကိုယ့်နိုင်ငံတော်ကောင်းစားဖို့
စိတ်ရှိရင်ကိုယ်လုပ်နိုင်တဲ့အနေထားလေးကနေအတတ်နိုင်ဆုံးထောက်ပံ့ကူညီပေးချင်
ပါတယ်။အကောင်းဆုံးအနေထားကိုရောက်လာမယ်လို့လဲမျှော်လင့်ပါတယ်။

0 Comments:

Post a Comment

ကူးကူးရေ...

 
Powered by Blogger