Pages

Monday, April 21, 2008

ပိန်းရိုးပိန်းရွက်ဟင်း

ပိန်းရိုး/ပိန်းရွက်ဟင်းလေးပါ။
ကျွန်မရန်ကုန်မှာနေတုန်းကတောင်ငူဖက်ကသူတွေလာရင် ပိန်းရွက်ကိုအခြောက်လုပ်
ထားတာယူယူလာပေးတယ်။ ခူလာမူ လို့ခေါ်တယ်။ တစ်ကယ်တော့ကျွန်မသိသလောက်
ကရင်စကားအရဆိုရင်တော့ ခူလာ=ကုလား မူ = မ ကုလားမ ပေါ့။ ပိန်းရွက်ကိုအခြောက်
လှမ်းပြီးဘယ်လိုလုပ်ထားလဲတော့မသိဘူး။အဲဒါကိုရေနွေးလေးနဲ့စိမ်..ရေစစ်ပြီးကြက်သွန်
ဖြူ၊ငရုတ်သီးစိမ်နဲ့ထောင်း။ပဲဟင်းလေးနဲ့များစားလိုက်ရရင်ထမင်းမြိန်လိုက်သည်ဖြစ်ခြင်း။
့ပိန်းရွက်ကိုအခြောက်လုပ်ထားတော့မဲမဲလေးတွေဖြစ်နေလို့ခူလာမူလို့ခေါ်တာလဲဖြစ်နိုင်တယ်။
မနေ့ကတော့သူငယ်ချင်းတစ်ယောက်ရဲ့မိန်းမကပိန်းရွက်၊ပိန်းရိုးကိုချက်လာလို့ကျွန်မခူလာမူ
ကိုတန်းပြီးသတိရမိတာပါ။ပိန်းရွက်၊ပိန်းရိုးကိုချက်တာမဟုတ်ဘူး ကျိုတာ၊မသိရင်တော့ချဉ်ပေါင်
ရွက်အတိုင်းဘဲ။
၁။ စားလို့ရတဲ့ပိန်းအရွက်နဲ့အမျှင်တွေခွာထားတဲ့ပိန်းရိုးတွေကိရေစင်စင်ဆေးရပါတယ်။
၂။ ပိန်းရိုးကိုအိုးထဲကိုထည့်အုန်းနို့ရည်ကိုထည့်ပြီးပိန်းရိုးနူးပြီးပျော်လာသည်အထိကျိုပါတယ်။
၃။ ပိန်းရွက်များကိုထပ်ထည့်ပြီး
၎။ ကြက်သွန်နီ၊ ဖြူ၊ ဂျင်း၊ နနွင်းနဲ့ ငရုတ်သီးစိမ်းအနီတောင့်များများလှီးပြီးထည့်ပါ။
၅။ ဆီအနဲငယ်၊ ဆား+ အချိုမှုန့်ထည့်ပြီးအားလုံးနွမ်းကျနေအောင်ထပ်ကျိုပါ။
ပြီးရင်တော့စားလို့ရပါပြီ။ ဘာအရသာလဲဆိုတာတော့ရှင်းပြရခက်ပေမယ့်တစ်ခါစားမိတဲ့သူနောက်
တစ်ခါထပ်စားချင်တာတော့မလွဲဧကန်ပါ.. ကျွန်မဆိုထမင်းတောင်မစားတော့ဘူး။ ပိန်းအုန်းနို့ဟင်း
ကိုဘဲထိုင်စားနေတာ. အုန်းနို့ဆိုပေမယ့်ပိန်းရိုးနဲ့ရောကျိုလိုက်တော့အုန်းအနံ့ကအရမ်းမပြင်းပါဘူး။
အားလုံးသမရောမွှေပြီးစိမ့်နေတာပါ။

1 Comments:

ချော(အစိမ်းရောင်လွင်ပြင်) said...

ကျွန်မတို့ဆီမှာတော့လေ ပိန်းတွေ ပွင့်တဲ့အချိန် လယ်ထဲမှာ ပိန်းပွင့်တွေလိုက်ခူးပြီး ဟင်းရည်ချက်စားကြတယ်
ဟိုမှာတော့ ပိန်းစောလို့ခေါ်တယ်.. နေ့တစ်ဝက်နီးပါး ရေခန်းလိုက် ထပ်ထည့်လိုက်နဲ့ ပိန်းပွင့်တွေ မွမွကြေသွားတဲ့ထိ တည်ပေးရတာ... ပြီးတော့ အချဉ်လေးထည့်..
ခုရေးထားတဲ့ပိန်းရိုးဟင်းလေးကိုကြည့်ပြီး တံတွေးတောင်မြိုမိတယ်.. ဒီလို ဒေသအစားအစာတွေ အရမ်းသဘောကျမိတယ်..

Post a Comment

ကူးကူးရေ...

 
Powered by Blogger