Pages

Tuesday, February 2, 2010

ဘလော့လည်ထွက်သည်

မနက်ကွန်ပြူတာရှေ့ထိုင်ထိုင်ချင်း ပထမဆုံးနေ့တိုင်းဝင်ကြည့်မိတာ ကိုအန်ဒီ ဘလော့ပါ။ အသစ်မတင်ရင် တောင် သူ့ဆီက feed roll တွေသွားသွားယူပါတယ်။
ယောက်ျားများကိုထိန်းနည်း ဆိုတာတွေ့တော့ စိတ်ဝင်စားလို့ဝင်ဖတ်မိတယ်။
၁. အစားကောင်းများဖြင့်ထိန်းနည်း (အစာအိမ်ကိုထိန်းနည်း)
၂. ပိုက်ဆံကိုထိန်းနည်း
၃. လူကိုထိန်းနည်း
၎. မိမိကိုယ်ကိုထိန်းနည်း
 ဒီထက်ပိုတဲ့နည်းလမ်းတွေများရှိအုန်းမလားမသိဘူး။ ဘယ်နည်းနဲ့မှကျွန်မမကိုက်ဘူး။
အစားကောင်းလဲမချက်တတ်၊ ချက်တတ်လှချည်ရဲ့လို့သူများကပြောတဲ့ကျွန်မအစားသောက်တွေက ချစ်သူ စားနေကြအစားသောက်တွေလောက်လဲမကောင်းဘူး။ နောက်ဆုံးတော့ သူဘဲချက်ကျွေးရမှာဘဲ။
ပိုက်ဆံနဲ့ထိန်းရအောင်လဲ ကိုယ်က သူဌေးမဟုတ်၊ သူ့ပိုက်ဆံလဲ ကိုယ်က မမက်မော၊
လူကိုထိန်းရအောင်လဲ ကျွန်မကိုယ်တိုင်က ချုပ်ချယ်တာ၊ နေရာတစ်ကာဝင်ပါလွန်းတာမကြိုက် တော့ ချစ်သူကိုလဲ မချုပ်ချယ်ချင်ဘူး။
မိမိကိုယ်ထိန်းတာတော့ ကိုယ့်သိက္ခာအကျင့်တရားကလွဲလို့ ချစ်သူမရှိဘဲ ပျော်ပျော်နေပါဆိုတာတော့ မဖြစ် နိုင်ဘူး။  ချစ်သူထားခဲ့လဲ ပြုံးပီးမနေနိုင်ဘူး... ဟန်ဆောင်ပီးလဲ ပျော်မနေနိုင်ဘူး...ဆိုတော့.. ကျွန်မချစ်သူ ကံကောင်းလားကံဆိုးလား... သူ့ဘာသူဘဲဆုံးဖြတ်ပါစေ။
နောက် ဘလော့တစ်ခုယောက်သွားတာ မိုးမခမီဒီယာ မွန်အမျိုးသားနေ့ကျင်းပတာကိုရေးပြထားတာ။  မာမီ ကပြောဖူးတယ်၊ မွန်တွေကအရမ်းသဘောကောင်းမနောကောင်တယ်တဲ့။ ရန်ကုန်ပြန်တုန်းက taxi မောင်းတဲ့ ကားဆရာ ၄-၅ ယောက်မက ကြုံဖူးတယ်၊ အရမ်းသဘောကောင်းကြတယ်၊ တစ်ယောက်ဆို ကားမောင်းရင်း သီချင်းလေးဆိုလို့...တစ်ပုဒ်ပီးတစ်ပုဒ်၊ မြောက်ဒဂုံကနေ မြို့ထဲရောက်တဲ့အထိ....  မွန်လူမျိုးစစ်စစ်တွေ တွေ့ ရခဲတယ်။ ဒီတစ်ခေါက်တော့ရန်ကုန်မှာနဲနဲတွေ့ခဲ့တယ်။ မိုးမခမှာ ပုံတွေများကြီးတွေ့တယ်။
နောက်တော့ ပုဇွန်ဂဏန်းဟင်း  ဘလော့ရောက်သွားပြန်တယ်။ ဗိုက်ဆာလာသလိုဘဲ။ အဲဒီက ဟင်းပုံတွေ အရမ်းလှတာ။ ပုံနဲ့တင်ကို ကျေနပ်နေပီ။ ပုဇွန် နဲ့ ဂဏန်းရောချက်တယ်ထင်လို့...  ပုဇွန်ကို ပုဇွန်ဂဏန်းလို့ ခေါ်လားမသိဘူး။ အရသာတော့ခပ်ဆင်ဆင်ပါ။ ဒီတစ်ခေါက်ရန်ကုန်ပြန်တုန်းက ဂဏန်းတစ်ခါ နဲနဲမြည်းခဲ့ တယ်။ ပထမဆုံးဘဲ ချိုချိုလေး...း)
မ၀ါ ဘလော့လဲရောက်သွားတယ်။ မနေ့ညက မ၀ါကိုအားကျပီး singforyou.net မှာသီချင်းလိုက်သွင်း နေတာ နဲ့ ညသန်းခေါင်ထိမအိပ်ဖြစ်ဘူး။  ဓာတ်ကူးတာ..အဲလို။  မနေ့က ကျွန်မသီချင်းဟောင်းလေး တွေပြန်ကြားရတယ်..  အရင်ကပေါ့လေ.. ၂၀၀၄ လောက်က ကျွန်မမှာ mp3 player လေးရှိတယ်၊ အသံ သွင်းလို့လဲရတယ်..အဲဒါလေးနဲ့ ၊ သီချင်းတွေသွင်းပီး ပို့ပို့ပေးတာမှတ်မိသေးတယ်။.... အခုတော့ မဆိုတာကြာ လို့လားမသိ..အတွေးခေါ်ပြောင်းတာလားမသိ..ချစ်သူက သီချင်းဆိုပါလားပြောရင်တောင် ဖြစ်မြောက်အောင် မဆိုတတ်တော့ဘူး။
မမKOM ဆီရောက်ပြန်တော့ ၀ယ်လိုက်တဲ့ ပစ္စည်းတွေ..အမျိုးတွေများပုံရတယ်... တစ်ခါတစ်ခါသူရေးထား တာနားမလည်ဘူး၊ နှစ်ခါလောက်ပြန်ဖတ်ရတယ်..ဒါတောင်သိပ်နားမလည်ချင်ဘူး။ မြန်မာစာ မြန်မာစကား တယ်လဲ ခက်ပါလားလို့...တစ်ခါတစ်လေအားငယ်မိသေးတယ်...
မမလုလု အင်ဒို ရောက်နေတယ်..  ကူးကူး အင်ဒိုရောက်မယ့်အချိန်နဲ့ မမလု ပြန်မယ့်အချိန် (၁)ရက် ကပ်လွဲ ပြန်တယ်။  ရန်ကုန်မှာလဲလွဲ၊ အဲဒီမှာလဲလွဲ....  မမလုချက်တဲ့ဟင်းလေးတော့ စားရမယ့်အချိန်ကြုံချင်ပါသေး တယ်။

4 Comments:

WWKM said...

ဟဟ ဓါတ်ကူးကုန်ပြီလား ကူးကူးရေ.. ဆိုသာဆို ပျော်စရာကောင်းတယ် မမ အခုလည်း ဆင်းဖော်ယူမှာပဲ .တစ်ပုဒ်အော်လိုက် ဖျက်လိုက်.ဟဟ
အခု ဘလော့ဂါတွေ ဆင်းဖော်ယူမှာ အများကြီးပဲလေ.
ကွန်မန့် အမြန်လာရေးသွားတာ.. ဆိုလိုက်ဦးမယ်.း)

လွတ်ငြိမ်းလေပြေ (breeze) said...

ကူးကူး ရေ
ပုစွန်ကို ဂဏန်းမဆလာပုံစံ ချက်တဲ့နည်းမို့လို့ ပုစွန်ဂဏန်းဟင်းလို့ ခေါ်တာတဲ့း)

ဒီမှာလည်း ဟင်းချက်နည်းတွေ
http://recipe.all-channel.com/myanmar-recipe-category.aspx?cat_id=27

လုလု said...

ပျိုပျိုမေ အလည်အပတ်ထွက်တယ် မော်တော်ကားနဲ့ရယ် လို့ဆိုတဲ့ ခေတ်မဟုတ်တော့ဘူးနော်။
ခုတော့ အွန်လိုင်းပေါ်ကနေပဲ ကမ္ဘာအနှံ့မှာရှိတဲ့ ဘလော့ဂ်ပေါင်းစုံကို တစ်ထိုင်တည်းနဲ့ အလည်ထွက်လို့ ရနေပြီနော်။
ကူးကူးဘလော့ဂ်အလည်ထွက်ရာကနေတဆင့် မမလုလည်း လိုက်လည်ဖြစ်ခဲ့တယ်။ ကျေးဇူးနော်။

rose of sharon said...

လာလည်သွားတယ် :)

Post a Comment

ကူးကူးရေ...

 
Powered by Blogger