Skip to main content

ဘေလာ့လည္ထြက္သည္

မနက္ကြန္ျပဴတာေရွ႔ထိုင္ထိုင္ခ်င္း ပထမဆံုးေန႔တိုင္း၀င္ၾကည့္မိတာ ကိုအန္ဒီ ဘေလာ့ပါ။ အသစ္မတင္ရင္ ေတာင္ သူ႔ဆီက feed roll ေတြသြားသြားယူပါတယ္။
ေယာက်္ားမ်ားကိုထိန္းနည္း ဆိုတာေတြ႔ေတာ့ စိတ္၀င္စားလုိ႔၀င္ဖတ္မိတယ္။
၁. အစားေကာင္းမ်ားျဖင့္ထိန္းနည္း (အစာအိမ္ကိုထိန္းနည္း)
၂. ပိုက္ဆံကိုထိန္းနည္း
၃. လူကိုထိန္းနည္း
၄. မိမိကိုယ္ကိုထိန္းနည္း
 ဒီထက္ပိုတဲ့နည္းလမ္းေတြမ်ားရွိအုန္းမလားမသိဘူး။ ဘယ္နည္းနဲ႔မွကၽြန္မမကိုက္ဘူး။
အစားေကာင္းလဲမခ်က္တတ္၊ ခ်က္တတ္လွခ်ည္ရဲ႕လို႔သူမ်ားကေျပာတဲ့ကၽြန္မအစားေသာက္ေတြက ခ်စ္သူ စားေနၾကအစားေသာက္ေတြေလာက္လဲမေကာင္းဘူး။ ေနာက္ဆံုးေတာ့ သူဘဲခ်က္ေကၽြးရမွာဘဲ။
ပိုက္ဆံနဲ႔ထိန္းရေအာင္လဲ ကိုယ္က သူေဌးမဟုတ္၊ သူ႔ပိုက္ဆံလဲ ကိုယ္က မမက္ေမာ၊
လူကိုထိန္းရေအာင္လဲ ကၽြန္မကိုယ္တိုင္က ခ်ဳပ္ခ်ယ္တာ၊ ေနရာတစ္ကာ၀င္ပါလြန္းတာမၾကိဳက္ ေတာ့ ခ်စ္သူကိုလဲ မခ်ဳပ္ခ်ယ္ခ်င္ဘူး။
မိမိကိုယ္ထိန္းတာေတာ့ ကိုယ့္သိကၡာအက်င့္တရားကလြဲလို႔ ခ်စ္သူမရွိဘဲ ေပ်ာ္ေပ်ာ္ေနပါဆိုတာေတာ့ မျဖစ္ ႏိုင္ဘူး။  ခ်စ္သူထားခဲ့လဲ ျပံဳးပီးမေနႏိုင္ဘူး... ဟန္ေဆာင္ပီးလဲ ေပ်ာ္မေနႏိုင္ဘူး...ဆိုေတာ့.. ကၽြန္မခ်စ္သူ ကံေကာင္းလားကံဆိုးလား... သူ႔ဘာသူဘဲဆံုးျဖတ္ပါေစ။
ေနာက္ ဘေလာ့တစ္ခုေယာက္သြားတာ မိုးမခမီဒီယာ မြန္အမ်ိဳးသားေန႔က်င္းပတာကိုေရးျပထားတာ။  မာမီ ကေျပာဖူးတယ္၊ မြန္ေတြကအရမ္းသေဘာေကာင္းမေနာေကာင္တယ္တဲ့။ ရန္ကုန္ျပန္တုန္းက taxi ေမာင္းတဲ့ ကားဆရာ ၄-၅ ေယာက္မက ၾကံဳဖူးတယ္၊ အရမ္းသေဘာေကာင္းၾကတယ္၊ တစ္ေယာက္ဆို ကားေမာင္းရင္း သီခ်င္းေလးဆိုလို႔...တစ္ပုဒ္ပီးတစ္ပုဒ္၊ ေျမာက္ဒဂံုကေန ျမိဳ႕ထဲေရာက္တဲ့အထိ....  မြန္လူမ်ိဳးစစ္စစ္ေတြ ေတြ႔ ရခဲတယ္။ ဒီတစ္ေခါက္ေတာ့ရန္ကုန္မွာနဲနဲေတြ႔ခဲ့တယ္။ မိုးမခမွာ ပံုေတြမ်ားၾကီးေတြ႔တယ္။
ေနာက္ေတာ့ ပုဇြန္ဂဏန္းဟင္း  ဘေလာ့ေရာက္သြားျပန္တယ္။ ဗိုက္ဆာလာသလိုဘဲ။ အဲဒီက ဟင္းပံုေတြ အရမ္းလွတာ။ ပံုနဲ႔တင္ကို ေက်နပ္ေနပီ။ ပုဇြန္ နဲ႔ ဂဏန္းေရာခ်က္တယ္ထင္လို႔...  ပုဇြန္ကို ပုဇြန္ဂဏန္းလို႔ ေခၚလားမသိဘူး။ အရသာေတာ့ခပ္ဆင္ဆင္ပါ။ ဒီတစ္ေခါက္ရန္ကုန္ျပန္တုန္းက ဂဏန္းတစ္ခါ နဲနဲျမည္းခဲ့ တယ္။ ပထမဆံုးဘဲ ခ်ိဳခ်ိဳေလး...  း)
မ၀ါ ဘေလာ့လဲေရာက္သြားတယ္။ မေန႔ညက မ၀ါကိုအားက်ပီး singforyou.net မွာသီခ်င္းလိုက္သြင္း ေနတာ နဲ႔ ညသန္းေခါင္ထိမအိပ္ျဖစ္ဘူး။  ဓာတ္ကူးတာ..အဲလို။  မေန႔က ကၽြန္မသီခ်င္းေဟာင္းေလး ေတြျပန္ၾကားရတယ္..  အရင္ကေပါ့ေလ.. ၂၀၀၄ ေလာက္က ကၽြန္မမွာ mp3 player ေလးရွိတယ္၊ အသံ သြင္းလို႔လဲရတယ္..အဲဒါေလးနဲ႔ ၊ သီခ်င္းေတြသြင္းပီး ပို႔ပို႔ေပးတာမွတ္မိေသးတယ္။.... အခုေတာ့ မဆိုတာၾကာ လို႔လားမသိ..အေတြးေခၚေျပာင္းတာလားမသိ..ခ်စ္သူက သီခ်င္းဆိုပါလားေျပာရင္ေတာင္ ျဖစ္ေျမာက္ေအာင္ မဆိုတတ္ေတာ့ဘူး။
မမKOM ဆီေရာက္ျပန္ေတာ့ ၀ယ္လိုက္တဲ့ ပစၥည္းေတြ..အမ်ိဳးေတြမ်ားပံုရတယ္... တစ္ခါတစ္ခါသူေရးထား တာနားမလည္ဘူး၊ ႏွစ္ခါေလာက္ျပန္ဖတ္ရတယ္..ဒါေတာင္သိပ္နားမလည္ခ်င္ဘူး။ ျမန္မာစာ ျမန္မာစကား တယ္လဲ ခက္ပါလားလို႔...တစ္ခါတစ္ေလအားငယ္မိေသးတယ္...
မမလုလု အင္ဒို ေရာက္ေနတယ္..  ကူးကူး အင္ဒိုေရာက္မယ့္အခ်ိန္နဲ႔ မမလု ျပန္မယ့္အခ်ိန္ (၁)ရက္ ကပ္လြဲ ျပန္တယ္။  ရန္ကုန္မွာလဲလြဲ၊ အဲဒီမွာလဲလြဲ....  မမလုခ်က္တဲ့ဟင္းေလးေတာ့ စားရမယ့္အခ်ိန္ၾကံဳခ်င္ပါေသး တယ္။

Comments

  1. ဟဟ ဓါတ္ကူးကုန္ျပီလား ကူးကူးေရ.. ဆိုသာဆို ေပ်ာ္္စရာေကာင္းတယ္ မမ အခုလည္း ဆင္းေဖာ္ယူမွာပဲ .တစ္ပုဒ္ေအာ္လိုက္ ဖ်က္လိုက္.ဟဟ
    အခု ဘေလာ႔ဂါေတြ ဆင္းေဖာ္ယူမွာ အမ်ားၾကီးပဲေလ.
    ကြန္မန္႔ အျမန္လာေရးသြားတာ.. ဆိုလိုက္ဦးမယ္.း)

    ReplyDelete
  2. ကူးကူး ေရ
    ပုစြန္ကို ဂဏန္းမဆလာပံုစံ ခ်က္တဲ့နည္းမို႔လို႔ ပုစြန္ဂဏန္းဟင္းလို႔ ေခၚတာတဲ့ း)

    ဒီမွာလည္း ဟင္းခ်က္နည္းေတြ
    http://recipe.all-channel.com/myanmar-recipe-category.aspx?cat_id=27

    ReplyDelete
  3. ပ်ဳိပ်ဳိေမ အလည္အပတ္ထြက္တယ္ ေမာ္ေတာ္ကားနဲ႕ရယ္ လုိ႕ဆုိတဲ့ ေခတ္မဟုတ္ေတာ့ဘူးေနာ္။
    ခုေတာ့ အြန္လုိင္းေပၚကေနပဲ ကမၻာအႏွံ႕မွာရွိတဲ့ ဘေလာ့ဂ္ေပါင္းစံုကုိ တစ္ထုိင္တည္းနဲ႕ အလည္ထြက္လုိ႕ ရေနျပီေနာ္။
    ကူးကူးဘေလာ့ဂ္အလည္ထြက္ရာကေနတဆင့္ မမလုလည္း လုိက္လည္ျဖစ္ခဲ့တယ္။ ေက်းဇူးေနာ္။

    ReplyDelete
  4. လာလည္သြားတယ္ :)

    ReplyDelete

Post a Comment

ကူးကူးေရ...

Popular posts from this blog

Food Review: ပုရစ္ေၾကာ္

ပုရစ်ကြော်ကြိုက်တဲ့မောင်လေးကိုကို မမ ညီမများအတ ွက်ပါ။ မနှစ်က ရွှေနှင်းဆီညီမလေးဆီက တစ်ခါမှာဖူးတယ်။ ပို့ရတာဝေးတဲ့အတ ွက် ကိုယ့်ဆီရောက်လာတော့ မှိုတေ ွတက်ပြီးစားမရတော့ ၂ သိန်းခ ွဲရှုံးတာဘဲ။ ဒီနှစ်ပရစ်ပေါ်ချိန်ရောက်တော့ သေချာထုပ်ပိုးပြီးပြန်ပို့မယ် ပြောလို့ ယူအကစ် က နေတဆင့် က နေဒါကို လှမ်းပို့တာ နောက်ထပ် ဒေါ်လာ ၅၀ ထပ်ပေးပြီး ချောချောမောမောရောက်လာတယ်။ တန်သလားလို့ မေးရင် မတန်ပါဘူး၊ အရသာရှိလားမေးရင် ရှိပါတယ်။ အစားမက်တဲ့ ကျွန်မအတ ွက်တော့ အလ ွမ်းပြေပုရစ်ကြော်လေးပါ။ အထုပ် ၅ ထုပ်ကို ၃ သိန်းနီးပါးပေးထားရလို့ မျက်စိမှတ်စားပေမယ့်  အ ကောင်တော်တော်များများကို  အ တောင်ပံမဖြုတ်ဘဲကြော်ထားတာ၊  အ တောင်တေ ွမှာ သဲတေ ွရွှံ့တေ ွကပ်နေတာတေ ွ့ရတယ်။ နောင်ဆိုရင်တော့ ပိုပြီး သန့်ရှင်းအောင်လုပ်ပေးမယ်လို့ မျော်လင့်တာပါဘဲ။ ပို့ပေးတဲ့ညီမလေးက တော့ ကြိုးစားပမ်းစားနဲ့ စေတနာထားလုပ်ပေးတာကိုတော့ ကျေနပ်မိတယ်။  ပုရစ်ကြော်အချိ ုထုပ်ကို  သဲမပါအောင်တစ်ကောင်ချင်းထိုင်ရေ ွး ရုံးကိုယူသွားပြီး လုပ်ဖော်ကိုင်ဖက်တေ ွကိုကျွေးတော့ အားလုံးသ ဘောကျ ကြတယ်။ ကြောက်လဲကြောက်တယ် စမ်းလဲစားကြည့်ကြတယ်။ ဒီမှာလဲ ပုရစ်ပေါင်ဒါမှုန့် ကို အားဖြည့်မှုန့်အစားထည

ငါးခ်ဥ္ လုပ္ရေအာင္

ငါးခ်ဥ္စားခ်င္တာၾကာပါျပီ။ ကိုယ္တိုင္လုပ္ဖို႕ၾကိဳးစားခဲ့ေပမယ့္မေအာင္ျမင္ခဲ့ဘူး။ ေနာက္ပိုင္း စားခ်င္တဲ့စိတ္ကိုေမ့ေမ့ေလ်ာ့ေလ်ာ့ ထားထားတာ၊ အရင္အပတ္က ေက်ာင္းတက္ေနတဲ့ ျမန္မာ မိသားစုအိမ္သြားလည္ရင္းနဲ႔ သူငါးခ်ဥ္စမ္းလုပ္ထားတဲ့အေၾကာင္း၊ ေအာင္ျမင္တဲ့အေၾကာင္း၊ အဲဒီေန႔က ငါးခ်ဥ္ဗူးကိုဖြင့္ သူကိုယ္တိုင္ေၾကာ္ေပးပါတယ္။ ငါးခ်ဥ္ဗူးကုိေခ်ာင္းၾကည့္ေတာ့ ထမင္းလံုးမာမာေလး ေတြေတြ႔တယ္..အဲဒီမာတဲ့ထမင္းက မက်က္ေသးတဲ့ထမင္းနဲ႕တူတယ္။ သူက ေနာက္မွေအးေဆး လုပ္နည္းေျပာျပမယ္ဆိုျပီးအဲဒီေန႔ အျခားအေၾကာင္းေတြဆီ စကားဆက္ေရာက္သြားတာနဲ႔ ကၽြန္မျပန္လာတဲ့အထိ သူေျပာဖို႕ေမ့သြားတယ္။ မ်က္ေစ့ထဲမွာ အဲဒီငါးခ်ဥ္ဘဲစြဲေနတာေၾကာင့္ ငါးသြား၀ယ္ပီး လုိခ်င္တဲ့အတံုးအေနခုတ္ခိုင္း တယ္။ ဒီငါးက ငါးသေလာက္လိုဘဲ..ျမန္မာလိုဘယ္လိုေခၚလဲမသိ၊ အရိုးေသးေသးမႊားမႊားေတြ အရမ္းမ်ားတယ္။ ဒါကေတာ့ ကၽြန္မလုပ္တဲ့နည္းေလးပါ.. ငါးကုိအေၾကးခြံက်န္တာေလးေတြနဲ႔ ဗိုက္ထဲက ဟာေလးေတြကိုေသခ်ာေဆး။ ျပီးရင္ေတာ့ ဆားၾကမ္းနဲ႔ နယ္ပီး ၃ နာရီေလာက္ႏွပ္ထားပါတယ္။ ငါးဆားနယ္ထားတဲ့အခ်ိန္ ထမင္းကိုစခ်က္ပါတယ္၊ ထမင္းအိုးမီးမေျပာင္းခင္ ဆန္မက်က္ခင္ ေလးမွာ ထမင္းလိုသေလာက္ခပ္ထုပ္ပါတယ္။ ထမင္းကို ဆားၾကမ္းနဲ

ပုဇွန်ချဉ် (Pickled Shrimps)

ကျွန်မအန်တီလေးတစ်ယောက်ကမြောင်းမြတစ်ဖက်ကမ်း ကွယ်လွမ် မှာနေပါတယ်။နွေကျောင်းပိတ်ရက်တွေ မှာရန်ကုန်ပုသိမ်သင်္ဘောကြီးစီးပီးမြောင်းမြကိုသွားလည်တိုင်းသင်္ဘောဆိုက်ဆိမ်းကမ်းနားရောက်တစ်ဖက် ကမ်းလှမ်းကြည့်လိုက်ရင်အန်တီ့အိမ်ကိုတန်းမြင်ရပါတယ်။ဖုန်းဆက်အကြောင်းကြားထားတော့သူတို့ကလဲ လက်လှမ်းပီး လက်ပြ၊ ကျွန်မတို့မောင်နှမတွေကလဲသင်္ဘောပေါ်ကနေခုန်ဆွခုန်ဆွလက်ပြပီးအရမ်းကို ပျော်ခဲ့ ရပါတယ်။ အထုပ်ပိုးတွေသယ်ပီး ကွယ်လယ်ဘက်ကို ကူးမယ့် ကူးတို့ပေါ် တက်၊ ဗေဒါအဆုပ်လိုက် ကျုပင် မြစ်ပြုတ်ပီး ပေါလောပေါ်နေတာတွေကြားထဲက ကူးတို့လက်တံနှစ်ချောင်း လက်နဲ့လှည့်လှော်ရတဲ့ လှေလေးပေါ်ကနေ တစ်ဖက်ကမ်းကိုကူးကြ ပါတယ်။ အန်တီ့အိမ်ရောက်တာနဲ့ ပူနွေးနွေး ပေါ်ဆန်းမွှေးရယ် ပုဇွန်ချဉ်သုတ်လေးရယ် စားရတဲ့အရသာ ကိုတော့တစ်သက်မမေ့နိုင်ပါဘူး။ ကျွန်မပြောခဲ့ဖူးသလိုနှစ်သက်လှတဲ့အစားသောက်တိုင်းဟာအမှတ်ရစရာအဖြစ်ပျက်တွေကနေအခြေခံလာပါတယ်။ နှစ်ပေါင်းများစွာ ပုဇွန်ချဉ် စားတိုင်း အန်တီလေးကို မြင်ယောင်မိသလို သတိရလွမ်းဆွတ်မိတယ်။ တစ်ဆက်တည်းမှာဘဲ အန်တီလေးလို အဖြစ်မျိုး ဘယ်အိမ်ထောင်သည်အမျိုးသမီးမဆို မကြုံရပါစေ နဲ့လို့လည်းဆိုတောင်းမိပါတယ်။ ကျွန်မကနေဒါရောက်ပီးနောက်ပိုင်းမှ