Pages

Monday, September 8, 2008

ဘ၀ဆိုတာ

ပြီးခဲ့တဲ့အပတ်တုန်းကအိမ်မှာမရှိတာနဲ့ စာလဲမရေးဖြစ်ပါဘူး။ ထူးထူးထွေထွေတော့ဘာ
မှလဲမရှိဘူးလေ။ အိမ်မှာရှိတာနဲ့ဖျားတာဘဲ။ ကျွန်မကိုကပျော့လွန်းတယ်။ စိတ်ကတင်းထား
တော့ခရီးသွားတဲ့အချိန်ဆိုဘာမှမဖြစ်ပေမယ့်အိမ်ပြန်ရောက်ပြီ၊ စိတ်လျှော့လိုက်ပြီဆိုရင်
ဒေါင်းတော့တာဘဲ။ ဒီနေ့မြန်မာပြည်ကသူငယ်ချင်းတစ်ယောက်နဲ့ ဂျီတော့ခ်မှာတွေ့တော့
သူအရမ်းကိုစိတ်ဓာတ်ကျနေတဲ့အကြောင်း၊ သူများတွေကသူ့အကြောင်းမဟုတ်တာပြော
တဲ့အကြောင်း၊ အလုပ်မှာလဲအဆင်မပြေလို့ထွက်ပြေးချင်တဲ့အကြောင်းတွေစုံနေတာဘဲ။
ကျွန်မလဲခဏခဏဖြစ်ဖူးတယ်။ ကိုယ်က၀ါရင့်လို့မဟုတ်ပါဘူး။ ကျွန်မအသက် ၁၅နှစ်က
တည်းကမိဘနဲ့ခွဲနေတာ။ ကျောင်းမှာအဆောင်မှာနေရင်းအချင်းချင်းစကားတွေနဲ့ထိုးနှက်
တာတွေရော၊ မဟုတ်တာတွေလိုက်အပုတ်ချတာရောအမျိုးမျိုးခံစားခဲ့ရတာကျောင်းပီးလို့
အလုပ်ထဲတန်းဝင်တော့လဲအဲဒါတွေလဲမရပ်သွားပါဘူး။ ဒါကြောင့်ကျွန်မအတွက်ကတော့
ရိုးနေပါပြီ။ ကျွန်မတော်ရုံလူနဲ့စကားမပြောတတ်၊မခင်တတ်ပါဘူး။ ဧည့်သည်လာရင်အရင်
ဆုံးအိမ်ခန်းထဲဝင်ပြေးတာထိပ်ဆုံးက၊ ပြောစရာစကားကိုမရှိတာ၊ ဘယ်ကိုကုတ်ခြစ်စဉ်း
စားစဉ်းစား ခေါင်းထဲကကိုမထွက်လာတာ။ နေကောင်းလားပြီးရင်...ဘာဆက်ပြောရမှန်းကို
မသိဘူး။ ဒါကြောင့်တစ်ယောက်တည်းနေတာများတယ်။ အထူးသဖြင့်မိန်းကလေးသူငယ်
ချင်းတွေကိုပိုသတိထားတယ်။ ခဏခဏသစ္စာဖောက်တာခံခဲ့ဖူးလို့ပါ။ ဒါပေမယ့်မိန်းကလေး
သူငယ်ချင်းတွေကိုပိုပြီးအတတ်နိုင်ဆုံးကောင်းခဲ့ပါတယ်။ တစ်ယောက်တည်းနေတတ်တာ
ကလဲ မာနကြီးတယ်ဆိုတာဖြစ်ပြန်ရော။ ဒါကတော့လောကသဘာဝဆိုတာလူတိုင်းသိပြီး
သားပါ။ တစ်ခါတစ်လေစိတ်ဓာတ်ကျတာတွေကြုံမယ်၊ပတ်ဝန်းကျင်ထိုးနှက်တာကြုံမယ်၊
အလုပ်မှာအဆင်မပြေတာ၊ ကျောင်းမှာအဆင်မပြေတာတွေကြုံမယ်။ ဒါတွေကိုတွေးပြီး
စိတ်ဓာတ်ကျနေလို့ရော...ဒါတွေပြန်အဆင်ပြေသွားမှာလား....
ကျွန်မကတော့သူများပြောစကားတွေကြောင့်စိတ်ထိခိုက်ခံစားတော့မယ်ဆိုရင်ဦးနှောက်က
ကျွန်မချစ်သူပြောခဲ့ဖူးတဲ့စကားလေးတစ်ခွန်းကိုအမြဲသတိရမိတယ်။
သူတို့က မင်းကိုစိတ်ထိခိုက်စေရလောက်အောင်သူတို့ကဘာတွေမို့လို့လဲ။ ကိုယ့်မိဘလား၊
ကိုယ့်ချစ်သူလား....လောကမှာခဏတာတွေ့ကြုံဆုံကွဲ... တွေ့ကြတဲ့ခဏမှာသူများတွေ
ပတ်ဝန်းကျင်ရဲ့စကားတွေကြောင့်ကိုယ့်စိတ်ကိုအထိခိုက်မခံပါနဲ့... အချိန်တန်တော့လဲအား
လုံးခွဲခွါကြရမှာဘဲလေ..
ကိုယ့်လက်ရှိခြေနေမှာအဆင်မပြေတာအခက်ခဲတွေကိုပျော်ပျော်ကြီးရင်ဆိုင်ကြရအောင်...
ဒါတွေကိုရင်ဆိုင်ဖို့လူဖြစ်လာတာမဟုတ်လားနော်..ဘ၀ဆိုတာတိုက်ပွဲ..နေ့တိုင်းအမျိုးမျိုး
တွေ့ရမှာဘဲ.. ရှောင်ထွက်သွားလို့မရတဲ့အဆုံး..ဘာလို့စိတ်ထိခိုက်ခံပြီးကိုယ့်ကိုယ်ကိုယ်
ညှင်းဆဲနေမှာလဲ..ကဲ....Fighting!!!!!!

0 Comments:

Post a Comment

ကူးကူးရေ...

 
Powered by Blogger