Pages

Thursday, September 18, 2008

စားပွဲဝါးပွဲ

အခုတစ်လောမှာဘာမှန်းမသိတာတွေနဲ့ကိုအလုပ်ရှုပ်တာလားအရှုပ်တွေလိုက်လုပ်
မိနေတာလားတော့မသိဘူး...ရာသီဥတုကမမှန်၊ မိုးကအမြဲဖွဲဖွဲရွာနေတော့ထီးကိုင်
ရမှာပျင်းတာတစ်ကြောင်း..ထီးမေ့ကျန်ခဲ့ရတာတစ်ကြောင်း..အမှန်ကတော့အိတ်
ထဲမှာထီး၊ ဓာတ်မီး (တောင်ကီ ကြောက်လို့)၊ calculator နဲ့ဆေးတွေ၊ ပုံမှန်ထည့်
လေ့ရှိပေမယ့်တစ်ခါတစ်လေထီးသုံးပြီးစိုလို့လှမ်းထားပြီးရင် ပြန်ခေါက်ထည့်ဖို့မေ့
တာများတယ်..ဟိုနားဒီနားဆိုပြေးသွားလိုက်တာဘဲ။ ကိုယ့်အကြောင်းလဲကိုယ်သိ
တယ်။ ဖျားတော့မယ်ဆိုတာသိတာနဲ့ Biogesic တစ်လုံးလောက်ဆိုပီးပီ။ ဒီတစ်
ခါတော့တစ်ကယ်ကိုဖျားတော့တာ.. ဖျားပြီးကျန်ခဲ့တာချောင်းဆိုးနှာစီး.. နှာစီးတာ
သက်သာသွားပေမယ့်ချောင်းဆိုးတာကတော့အခုထိကျန်ခဲ့တုန်း။ ချောင်းဆိုးတာ
လောက်စိတ်ပျက်တာမရှိဘူး။ ဆေးမှန်သမျှလဲအကုန်သောက်တာဘဲ. Dry cough
ှSore throat ငုံဆေး၊ သောက်ဆေး.. အိမ်ကိုဖုန်းဆက်တော့မာမီကထိန်းထားတဲ့
ကြားကချောင်းဆိုးမိသွားတာကြားလို့ ပို့ပေးလိုက်တဲ့ဗမာဆေးတွေလဲစား၊ သံပုရာ
နဲ့ပျားရည်လဲသောက်၊ သံပုရာနဲ့လျှက်ဆားလဲရောစား၊ ဗြောင်းဆန်နေတာ။ အခု
ထိကိုမပျောက်ခြင်သေးဘူး။ အဆုတ်ရောဂါများရနေလားမသိဘူး။ အဟွတ်.အဟွတ်
ဒီတစ်လောအတွင်းမှာရုံးက ဒါရိုက်တာနှစ်ယောက်ကတစ်ခြားနေရာကခေါ်လို့
ပြောင်းရတော့မယ်။ တစ်ယောက်က နိုင်ဂျီးရီးယား၊ တစ်ယောက်ကမွန်ဂိုးလီးယား
ကိုသွားကြမှာ..အအေးဆုံးနဲ့အပူဆုံးနိုင်ငံပေါ့..ထုံစံအတိုင်းနှုတ်ဆက်ပွဲလုပ်တော့
တစ်ယောက်တစ်မျိုးချက်ကြနဲ့ပါတီပေါ့။ အသစ်တစ်ယောက်လဲပြောင်းလာတဲ့လို့
သူ့အတွက်တော့ကြိုဆိုပွဲပေါ့... ဘာတွေစားကြသလဲဆိုတာအောက်မှာကြည့်...

ကိတ်မုန့်... ဒါကတော့ဆိုင်က၀ယ်တဲ့ကိတ်မုန့်ပါ

ဒါကတော့ ကျွန်မဆရာ့ဇနီးကိုယ်တိုင်ဖုတ်ထားတဲ့မုန့်ပါ..အရသာပိုကောင်းတယ်။
ဒါကတော့အသီးရွက်စုံကြော်၊ ငုံဥပါပါတယ်.. ဒီမှာတော့ ချော့ပ်ဆွိုင်း လို့ခေါ်တယ်
ဒါကတော့ခေါက်ဆွဲကြော်.. မြန်မာပြည်ကခေါက်ဆွဲကြော်ကိုတော့မမှီဘူးလေ..

ဒါကတော့သီးစုံချက်။ ဘာတွေပါလဲဆိုတာပုံထဲမှာကြည့်.. အရသာကတော့ချိုအီအီ..
စိတ်ပျက်ဖို့ကောင်းတယ်။

ဒါကတော့လာဆားနီးယား... ပျစ်ချွဲနေတဲ့ခေါက်ဆွဲဖတ်ပြားပြားကြီးတွေကို ချီစ်..နဲ့ရောသမ
မွှေ..

ဒါကတော့ အသုပ်..အရွက်အသီးစုံသုပ်..အပေါ်မှာမုန့်ကြွတ်လေးတွေဖြူးထားတာ..

ဒီပဲဟင်းလေးကတော့ ကနေးဒီးယန်း အန်တီတစ်ယောက်ချက်ထားတာ.. မြန်မာပြည်မှာ
တော့ ပဲနီလေး၊ ပဲဝါလေး.ဒါပေမယ့်ဒီပဲလေးတွေကအလုံးနဲနဲပိုကြီးတယ်ပြီးတော့အခွံမချွတ်
ထားဘူး။
ကော်ပြန့်ကြော်.. အထဲမှာထည့်လိပ်ထားတာကအသားတုတွေ၊ မုန်လာဥနီတွေ..
ဒါကတော့ကျွန်မစားတဲ့ပန်းကန်ပါ။ ထမင်းရယ်၊ မုန်ညှင်းစိမ်းပြုတ်ရယ်၊ ပိန်းနှဲသီးကိုအုန်းနို့နဲ့
ချက်ထားတာရယ်။ ပဲပြားကိုစွံပလွံသီးနဲ့ချက်ထားတာ၊ပြီးတော့ အသီးစုံကိုအသားတုနဲ့ကြော်
ထားတာ။

0 Comments:

Post a Comment

ကူးကူးရေ...

 
Powered by Blogger