Pages

Tuesday, September 9, 2008

ကျွန်မအကြောင်းတစေ့တစောင်း

ဒီတစ်ခါတော့ကိုယ့်အကြောင်းကိုရေးတော့မယ်။ ကျွန်မကို မန္တလေးပြည့်သူ့ဆေးရုံကြီးမှာ
မာမီကဗိုက်စနာတာစနေနေ့...ကနေနောက်အပတ်စနေနေ့ညနေထိဗိုက်နာပြီးတော့ည
(၉)နာရီကျော်ကျော်လေးမှာမွေးလာတဲ့စနေသမီးပါ။ မွေးစက ၉ပေါင်ခွဲရှိတယ်။ ဒါကြောင့် မွေးရတာခက်သလားတော့မဆိုတတ်ဘူး။ မွေးမွေးပြီးချင်မှာအဖေဘက်ကအဖိုးကတော့ မရှိတော့ပေမယ့်အဖွားကရှိသေးတယ်။ သူကသူချစ်တဲ့သူ့သားရဲ့သမီးဦးဆိုတော့အရမ်း ကိုချစ်ခဲ့တာပါ။ကျွန်မငယ်နာမည်ကိုလဲသူဘဲပေးခဲ့တာ။ ငယ်ငယ်ကတစ်ယောက်တည်း အလိုလိုက်တဲ့သူတွေကြားမှာကြီးလာတော့မောင်လေးမွေးတော့ (၃)နှစ်လောက်
ကွာတယ်။တစ်ခါမှကလေးမထိန်းဖူးဘူး။ မောင်လေးကိုအန်တီလေးကိထန်းတယ်။ ကျွန်မ
ကိုအဖေ့ဘက်ကတူတစ်ယောက်ကထိန်းတယ်။ မောင်လေးနဲ့ညီမလေး (၁)နှစ်ဘဲကွာတယ်။
ညီမလေးမွေးတော့မာမီကရေမွှာအရင်ပေါက်ပြီးကလေးအသေလေးဘဲထွက်လာဖို့စောင့်
နေကြတာ..နောက်ဆုံးညီမလေးထွက်လာတော့မဲညိုနေပြီးအသက်ရှိသေးတယ်။ ပြီးတော့
သူကမောင်နှမသုံးယောက်မှာအညိုဆုံး။ရုပ်ကတော့ဂြိုဟ်ရုပ်ကလေး..ဟိဟိ
(အခုတော့အချောဆုံးဖြစ်နေပါပီ)
ကျွန်မအငယ်တွေကိုအနိုင်ကျင့်လွန်းလို့အသက်(၄)နှစ်ဘဲရှိသေးတယ်အသက်ကိုမွေးစာရင်း
မှာတစ်နှစ်ပေးကြီးလိုက်ပြီးသူငယ်တန်းကိုပို့လိုက်တယ်။ကျောင်းတက်တုန်းကငိုလိုက်ရတာ။
အဖေကတော့ကျွန်မကိုအချစ်ဆုံးဆိုတော့ကျောင်းတစ်နေ့လုံးခြံအပြင်ခြံစည်းရိုးကနေလာထ
စောင့်နေတယ်။ နောက်ပိုင်းမှာတော့ကျောင်းပျော်ဖြစ်လာပါတယ်။ မှတ်မှတ်ရရ ကျွန်မလေး
တန်းတုန်းအထိအမြဲအဆင့်(၁)ရတယ်။စာကြိုးစားချင်လွန်းလို့မထင်ပါနဲ့။ မာမီကညနေအိမ်
ပြန်ရောက်ရင်ကူးလာတဲ့စာအုပ်ကိုကြည့်လက်ရေးနဲနဲစောင်းပြီးဆိုအကုန်ဖြဲပြစ်အစကနေ
ပြန်ရေးခိုင်းတာ။စာကျက်ခိုင်းတာလဲအိပ်ချင်ရင်တောင်မျက်နှာသွားသစ်၊စာကျက်။ အဲဒီတုန်း
ကကျွန်မမာမီ့ကိုဘယ်လောက်မကြိုက်လဲဆိုရင်..ထမင်းစားရေသောက်ကလွဲလို့စကားမပြော
ဘူး။ ကျောင်းဆင်းတာနဲ့စန္ဒယားတီးတာသွားသင်ရတယ်။ အောင်တော်မူဘက်မှာ။ ပြီးတာနဲ့
တစ်ချောင်းထိုး၊ နှစ်ချောင်းထိုးတစ်ခါတည်းဆက်သင်ရတယ်။ ငယ်ငယ်ကကျွန်မအမေတော်
တော်ရက်စက်တဲ့သူလို့မြင်တယ်။ အငယ်နှစ်ယောက်ကိုလဲကြည့်မရဘူး။ သူတို့ရှိလို့ကျွန်မ
အဲလိုဖြစ်ရတာဆိုပြီးတော့ပေါ့....နောက်တော့ရန်ကုန်ပြောင်းပြီးနောက်ပိုင်းမှာအငယ်နှစ်
ယောက်ကတစ်ဖွဲ့၊ ကျွန်မကတစ်ဘက်၊ လုံးဝကိုမတည့်တာ။သိပ်မကြာပါဘူးကျွန်မအသက်
၁၅နှစ်နဲ့တက္ကသိုလ်ဆက်တက်ဖို့တစ်ခြားနေရာကိုထွက်သွားရတယ်။ အဲဒီတော့မှအိမ်ကို
အရမ်းသတိရပြီးအမြဲကိုပြန်ချင်တယ်။ မောင်လေးညီမလေးကိုလဲသတိရတယ်။ အဆောင်
မှာနေရတာ။ စည်းကမ်းကလဲကြီးတော့နေရတာမလွတ်မလပ်နဲ့အရမ်းကိုငရဲထဲရောက်နေ
သလိုခံစားရပါတယ်။ ဒါပေမယ့်မိဘလက်ကလွတ်ပီဆိုတော့ သီချင်းလဲမဆိုတော့ဘူး၊ စန္တ
ယားလဲမတီးတော့ဘူး၊ ကိုယ်မလုပ်ချင်တဲ့ဟာတွေအတင်းလုပ်ခိုင်းခဲ့တဲ့ဟာတွေကုန်လုံး
မလုပ်တော့ဘူး.. စနေသမီးမို့လားတော့မသိဘူးခေါင်းမာတယ်လို့ပြောလို့ရတယ်။ ကျောင်း
အထိမာမီဘဲအကုန်လိုက်လုပ်ပေးရတယ်။ အဆောင်မှာအ၀တ်အစား၊ အိပ်ရာ၊ အစစရာရာ
ကျောင်းပိတ်လို့ရန်ကုန်ပြန်ရင်လဲမာမီကဘဲလာပြီးအထုတ်ထဲမှာပစ္စည်းတွေထည့်၊ သိမ်းထား
သင့်တဲ့အရာတွေကိုသိမ်း၊ကျွန်မဘာမှကိုမလုပ်ပါ။ လုပ်လဲမလုပ်တတ်ဘူး။ စောင်အထူခေါက်
ရင်တောင်အဖေကလေးတယ်ဆိုပြီးသူကိုယ်တိုင်ခေါက်ပေးတယ်။ အိမ်ရောက်လဲဘာမှမခိုင်း
ဘူး။ အိပ်နေရင်တောင်နေထွက်ရင်နေထိုးမှာစိုးလို့စောင်အထူတွေကာထားပေးတယ်။ မခိုင်း
ရတဲ့အကြောင်းကလဲရှိတယ်။ ကျွန်မကအိမ်မှာအခြူချာဆုံး။ ငယ်ငယ်လေးကတည်းကမန္တလေး
နန်းတွင်းကစစ်ဆေးရုံမှာဆေးသွားသွားထိုးရတာမှတ်မိသေးတယ်။ နောက်ပိုင်းမှာလဲအဖိုး
အဖွားတို့ရဲ့သွေးတိုးအမွေကိုလက်ခံရရှိပြီးအလိုလိုနေရင်းသွေးတိုးနေတာ.. သွေးတိုးရဲ့နောက်
ဆက်တွဲတွေကတော့သိတဲ့အတိုင်းဘဲ...ကျွန်မကျောင်းပြီးလို့အိမ်ပြန်ရောက်တာနဲ့မောင်လေး
နဲ့ညီမလေးကတက္ကသိုလ်ရောက်သွားပြီ..ဆိုတော့အိမ်မှာတစ်ယောက်တည်းကလေးပြန်လုပ်
နေတာ။အဲဒီတုန်းက ၁၉နှစ်မပြည့်တတ်သေးဘူး။ ကျွန်မကျောင်းနေခဲ့တဲ့သက်တမ်းတစ်
လျှောက်မှာမှတ်မှတ်ရရမိန်းကလေးသူငယ်ချင်း(၂)ယောက်ဘဲရှိတယ်။ တစ်ယောက်ကမအိ၊
မန္တလေးမှာကျန်ခဲ့တယ်။ နောက်တစ်ယောက်ကအထွေး၊ သူကတော့အမေရိကားရောက်နေ
ပြီထင်တယ်။ ကျန်တာကတော့ယောကျာ်းလေးသူငယ်ချင်းတွေဘဲရှိတယ်။ဒါပေမယ့်များသော
အားဖြင့်တစ်ယောက်တည်းနေရတာကိုပိုသဘောကျတယ်။ တစ်ခါတစ်လေပြုံးပြရမှာ စကား
ပြောရမှာအရမ်းဝန်လေးတယ်။ ကျွန်မမကြိုက်တဲ့မိန်းကလေးတွေကကိုယ့်ကိုလာပြိုင်တာ၊
အဲဒီသူတွေဆိုအရမ်းမုန်းတယ်။ ကျွန်မယောက်ျားလေးသူငယ်ချင်းတွေကိုသာအထက်စီးဆက်
ဆံတတ်ပေမယ့်မိန်းကလေးသူငယ်ချင်းတိုင်းကိုနှိမ့်ချပြီးဆက်ဆံတတ်တယ်။ ကိုယ်သီးမခံနိုင်
တော့ရင်ခပ်ခွာခွာနေလိုက်တယ်။ အရွယ်ရောက်ပြီးနောက်ပိုင်းမှာ ကျွန်မမကြိုက်တဲ့ယော်ကျား
လေးအမျိုးအစားတွေက အလကားနေရင်းကိုယ့်ကိုကိုယ်အားငယ်နေတဲ့သူ (ယောက်ျားမှဟုတ်
ရဲ့လားမသိဘူ)၊ ပြီးရင်ယောက်ျားတန်မဲ့ခနဲ့တဲ့တဲ့ပြောတတ်တဲ့သူ၊ စကားပြောရင်ခေါင်းပုတ်၊
လက်ပုတ်လုတ်တတ်တဲ့သူတွေ၊ နဲနဲမူးရင်ဦးနှောက်ကမစဉ်းစားဘဲမဟုတ်ကဟုတ်ကတွေ
လျှောက်ပြောနေတတ်တဲ့သူတွေ၊သစ္စာမရှိတဲ့ယောက်ျားတွေနဲ့ ကိုယ်နဲချစ်သူဖြစ်ခဲ့ဖူးသူမိန်း
ကလေးရဲ့အကြောင်းမကောင်းပြောတဲ့သူတွေကိုအသေမုန်းပါတယ်။
ဒီနေ့တော့ဒီလောက်ဘဲကိုယ့်ပေါင်ကိုယ်လှန်ထောင်းလိုက်အုံးမယ်... နောက်မှဆက်တာပေါ့။

0 Comments:

Post a Comment

ကူးကူးရေ...

 
Powered by Blogger