Pages

Thursday, February 5, 2009

Revised: ပွဲတော်နေ့

မနှစ်ကဒီအချိန်မှာ- ဈေးတန်းမှာလျှောက်ကြည့်ရင်းဓာတ်ပုံတစ်ချို့ရိုက်ခဲ့တယ်။တွေ့သမျှ ပုံတွေအကုန်လိုက်ရိုက်တာဘဲ၊ လမ်းဘေးကကြောင်ကအစတွေ့သမျှ ရှုခင်းလေး တွေ
ပန်းလေးတွေကို အမှတ်တရသိမ်းထားတယ်။ကိုယ့်ကိုယ်ကိုယ်တော့ အနုပညာမျက်စိမရှိ
ဘူးဆိုတာတော့ဝန်ခံတယ်။ တစ်ယောက်တည်းနေတော့ရုံးကပြန်ရင်လုပ်စရာဆိုလို့ အပြင်
ထွက် ရှိသမျှပုံတွေလိုက်ရိုက် ဒါအလုပ်လို့ခံယူထားလိုက်တယ်။ အမှန်ကတော့လေ့ကျင့်ခန်း
တွေဘာတွေလုပ်၊ အိမ်သန့်ရှင်းရေးလုပ်ရမှာ॥အဲဒါကို ၀ါသနာမပါ။ တစ်ပတ်ကို တစ်ခါ
လောက်ဘဲစိတ်ပါလက်ပါ အိမ်ရှင်းအ၀တ်လျှော်တယ်။
သူတို့တွေရဲ့ ပွဲတော်နေ့၊ ဘာပွဲတော်လဲလို့မေးကြည့်တော့ခရစ်ယာန်တွေ(သန့်ရှင်းသူ
ဘိုးဘေးများ) သေတာ ကို အမှတ်တရအနေနဲ့ ပွဲကျင်းပတယ်လို့ပြောတယ်။ ဘာအထွေ
အထူးမှတော့မရှိပါဘူး။ ဈေးတန်းတွေ၊ စတိတ်ရှိုးတွေနဲ့အိမ်တွေအသီးသီကမုန့်တွေလုပ်၊
တစ်အိမ်ဝင်တစ်အိမ် ထွက်လိုက်စား၊၀တ်စုံတူညီနဲ့ အဖွားကြီး တွေက လမ်းမမှာ ဘင်ခရာ
အဖွဲ့ နဲ့ က ကြ။ ယောကျာ်းမဟုတ်၊ မိန်းကလေးမဟုတ်တဲ့သူတွေကလဲအဖွဲ့အတင်းနဲ့ကိုပျော်
ကြတာ။ဒီမှာကတော့အဲလိုသူတွေ ကိုသူတို့အနေနဲ့ gifted child လို့တောင်သတ်မှတ်ထား
ကြတာကိုး။ မိသားစုမှာခြောက်ခြောက်လေးတစ်ယောက်ပါရင်ဂုဏ်ယူမဆုံး။
ကားပေါ်ကစ ဆင်းတာနဲ့ လမ်းဘေးဆိုင်မှာ မိန်းကလေးဝတ် အတွင်းခံတွေ ရောင်းတာတွေ့
တယ်။ သူငယ်ချင်းကလှတယ်ဆိုပြီးဝင်ကြည့်ရွေးနေလို့ ကျွန်မကတော့ ရှက်လို့တောင်ကြည့်
မြောက်ကြည့် လုပ်နေလိုက်တယ်။ နောက်တော့ ဈေးတန်းကိုလျှောက်ပတ်တယ်။ ဌက်ပျောဖက်နဲကထုပ်ထားတဲ့မုန့်တွေတွေ့တယ်။ မြန်မာပြည်က မုန့်ဖက်ထုပ်၊ကောက်ညှင်း
ပေါင်း တို့ကိုတောင်ပြေးသတိရမိသေး။ ဒါပေမယ့်သူတို့မုန့်တွေကိုတော့စမ်းပြီးဝယ်မစားဘူး၊ ချိုရဲနေမယ်ဆိုတာသိနေတယ်လေ။ တော်တော်အချိုကြိုက်တဲ့နိုင်ငံ॥အချိုမကြိုက်တဲ့ကျွန်မအ
တွက် စားစရာအင်မတန်ရှားတယ်။
ကြက်ဥတွေလဲပြုပ်ပီးရောင်းတယ်။ ပူပူနွေးနွေးပေါ့ ကြက်ဥက အရောင်နဲ့လဲရှိတယ်॥
ဆားကြက်ဥတဲ့ ।ခရမ်းရောင်လေးတွေ (ရီရတယ် ရောက်ခါစက ဈေးသွားတော့ ကြက်ပေါက်
လေးတွေဖြူနီဝါပြာစိမ်း ရောင်စုံတွေ့တော့ ထူးဆန်းတယ်ဆိုပြီး (၃)ကောင်ဝယ် လာခဲ့သေး
တယ်။ ဆေးဆိုးထားတာနောက်မှသိတယ်) နောက်အဖြူက နှစ်မျိုး ဘာလု နဲ့ ပင်နွိုင်း ၊
ဘာလု က ကြက်ဥထဲမှာ ကြက်ကလေးရှိတယ်။ ကြက်ကပြုပ်ထားတော့ သေနေပြီပေါ့॥
အမွှေးတွေလဲ ပေါက်နေပြီ॥ အဲဒါကို ဖောက်॥အရည်ကိုစုပ်သောက်ပြီး ကြက်ကလေးကို
အချဉ်ရေနဲ့ တို့စားတာ॥ သူငယ်ချင်းက မြန်ရည်ရှက်ရေနဲ့ စားနေတော့..မနဲဟန်ဆောင်
ပြီး ပြုံးပြနေရတယ်။။ သူကအတင်းကျွေး သေးတယ်.. နောက်မှ..နောက်မှ လို့ ပြောလိုက်ရ
တယ်။ စားဖို့မပြောနဲက ကြည့်တာနဲ့တင်ရင်ထဲမှာအော်ဂလီဆန်နေပြီ။ (ဒီနှစ်လဲအဲဒါကိုစားကြည့်ဖို့တိုက်တွန်းတယ်။ မကြည့်ရဲရင်အမှောင်ထဲမှာစားတဲ့..)
နောက်တစ်မျိုးကတော့မဆိုးလှဘူး॥ ပင်နွိုင်း က မြန်မာလိုဆို လေဥ လို့ခေါ်မလားဘဲ။
ကျွန်မရဲ့ တစ်ဦးတည်းသောမောင်လေးက အဲလိုဥမျိုးကိုကြိုက်တယ်။ မာမီက မှော်ဘီ
ကြက်ခြံမှာသွားသွားဝယ် ပေးဖူးတာသတိရသေးတယ်။
အဲဒီဈေးတန်းမှာရောင်းတဲ့ဟာတွေများသောအားဖြင့်အကုန်လုံးလိုလို (ဆန်းပို့လမ်းပို့)
တစ်ခုတစ်ဆယ်။

ဈေးကိုလာတဲ့အဓိကအကြောင်းကတော့ ကြိမ်သီးစားချင်လို့.. ရန်ကုန်မှာ လှည်းလေးနဲ့
ဒယ်အိုးထဲမှာ သဲထည့်ပြီးလှော်တဲ့ကြိမ်သီးပေါ့။ဒီကဟာတွေကတော့အချိုရည်နဲ့ပြုပ်ထားတာ.. တော်သေးတယ်ကြိမ်သီးအခွံမာမာခံနေ လို့ အဆံထဲကိုအချိုသိပ်မရောက်တာ။ ဈေးတော့ကြီး
တယ်၊ ကီလိုဝက်ကို ၈၀ ပေးရတယ်။ (ပုံထဲမှာလိမ္မော်သီးနောက်ကပလတ်စတစ်နဲ့ထုတ်ထားတဲ့မဲမဲအထုတ်လေး)တစ်ခြားအသီးတွေ
ဝယ်မစားဘဲ ကြိမ်သီးဘဲ (၁) ကီလိုဝယ်ခဲ့တယ်.. ပြီးတော့ ထရိုင်ဆိုင်ကယ် (tricycle) စီးပြီးပြန်
လာခဲ့တယ်။

ထရိုင်ဆိုင်ကယ် - ဆိုက်ကားလိုမျိုးဘဲ..ဒါပေမယ့် စက်ဘီးနဲ့မဟုတ်ဘူး၊ ဆိုင်ကယ်နဲ့

ပွဲဈေးတန်းမှပုံလေးတစ်ချို့

0 Comments:

Post a Comment

ကူးကူးရေ...

 
Powered by Blogger